ҚАЗ RUS ENG

ҚАЗ RUS ENG

Dears Димаштың жанкүйері Киевтегі концертке 36 сағат бойы ұшып келді

Димаштың жанкүйері Киевтегі концертке 36 сағат бойы ұшып келді

Бірнеше сағаттан кейін Димаш Құдайбергеннің келесі концерті Украинаның қақ ортасында – ұлы Киев қаласында басталады.

ARNAU туры аясында Киев топырағына табан тіреген әншінің командасын бұл шаһар жылы, шынымен көктемгі күн райымен қарсы алды. Наурыздың жауыны әлсін-әлсін сіркірейді, ел астанасының атақты «Спорт сарайының» кіреберісіне жайбарақат жиналған жанкүйерлердің көңіл-күйі бе осы сәтпен сәйкес келеді. Көп ұзамай олар керемет шоудың сиқырлы атмосферасына енеді.

Кейбіреулер бұл концертке алғаш рет келіп отыр, сондықтан да олар алдағы эмоцияларын күтуде. Ал біреулері бұл күйді бұрын да бастан кешірген, сонда да Димаштың кешіне алыстан келіп отыр.


Бір шоудан соң жанкүйерлер бірден келесі концертке билет сатып алып жатады. Өйткені әр концерт ерекше, әр концерт бір әлем, әрқайсының қызықты бағдарламасы бар. Мұның бәрін әркім өз көзімен көргісі келеді. Жанкүйерлердің Димаштың ән әлеміне деген құштарлығы сол, олар әр қойылымда әншімен бірге қосыла шырқайды.

Айта кетейік, шоу Киевтегі әйгілі «Спорт сарайы» стадионында өтеді, оның сыйымдылығы 9800 көрерменге арналған. Спорт сарайы Киевтің дәл орталығында орналасқан және айрықша акустикасымен, сәнді сәулетімен танымал.

1960 жылы ашылған бұл стадионда 16 әлем чемпионаты, 30-ға жуық Еуропа чемпионаты, 440 Гран-при турнирі, 210 көрме мен жәрмеңке, 4000-нан астам концерт, сондай-ақ мұз шоулары мен фестивальдер өткен.

Әйгілі стадионның сахнасында әлем жұлдыздары мен топтарының ізі қалған. Мәселен, Backstreet Boys, The Black Eyed Peas, Deep Purple, a-ha, Jamiroquai, Моби, Muse, Korn, Judas Priest, Placebo, The Prodigy, The Rasmus, Кристина Агилера, Анастейша, «Ария», Ленни Кравиц, Крис Ри, Лара Фабиан, Depeche Mode, Адам Ламберт, Бритни Спирс, Дженнифер Лопес, Garbage, ATB, Thirty Seconds to Mars, Twenty One Pilots. Ал бүгін Димаш Құдайберген осы тізімге қосылады.

Концерттің алдында DimashNews тілшісі Димаштың жаңазеландиялық жанкүйерімен кездесті. 60 жастағы Карен Маги Киевтегі концертке 36 сағат бойы көкте ұшып, 4 трансфер жасапты. Ол әншінің барлық дерлік қойылымдарына қатысқан. Тіпті, жолдың ұзақтығы да оған кедергі бола алмайды.

 

Соңғы жаңалықтар

Димаштың үні АҚШ радиоларында жиі естіле бастады

Осы жылдың 28 мамырында алғаш рет АҚШ-тың «KMRD-LP.FM» радиостанциясында Димаштың әндері естіле бастады. Сол күні радио тыңдармандарының саны рекордтық...

Басты кейіпкері Димаш болатын «D’R’S» мангасына алдын ала тапсырыс қабылдана бастады

6 шілдеде Димаш қатысатын «D’R’S» мангасының алғашқы электронды шығарылымына алдын ала тапсырыс қабылдана бастады. Электронды нұсқасы шыққаннан кейін екі...

«Димашқа жақын жүрген соң, бізден де қолтаңба сұрайтындар бар»: Айқын Сейтеков гастрольдік сапардағы қызықтар туралы айтып берді

Әлем сахналарында қазақстандық орындаушы Димаш Құдайберген қасиетті қара домбырасын тастаған емес. Сонау Қытайдағы «I am Singer» байқауында қос ішекті...

Алтайдың еңбегі сіңген әртісі Димашқа күй арнады

Бүгін бүкіл әлемде шетелдегі қазақстандықтардың «QazAlliance» бірлестігінің ұйымдастыруымен ауқымды да жарқын «World Dombyra Festival» шарасы өтті. Осы фестиваль аясында...

Оқи отырыңыз
Сізге ұсынылған