24 қаңтарда Нью-Йорктегі ең үлкен Таймс-сквер экрандарының бірінде Димаш жанкүйерлерінің ауқымды жобасы іске қосылды. 91 фан-клуб бірігіп, бүкіл әлемде орын алған бірлік, достық және бейбітшілік туралы хабарлама жолдады.
Бұл Dears жобасы 2023 жылдың қазан айында «Бір аспан астында — Біз бейбітшілікті таңдаймыз» деген әмбебап футболка жасаудан басталды. Әрі қарай, әлемнің әр түкпірінен келген Димаштың жанкүйерлері бейбітшілікке шақырған футболкаларын киіп, әр түрлі бейнероликтер түсіріп, жазбалар жасады.
Нәтижесінде 10 бейнеролик түсіріліп, 24 қаңтарда Нью-Йорктегі Таймс-Сквердің ең танымал TSX билбордтарының бірінде сағат 17.00-ден 17.20-ға дейін көрсетілді.
Бүкіл әлемді бірлік пен бейбітшілікке шақырған жүздеген Dears-тың керемет даусы үйлесім тапқан әдемі бейнетізбек Димаштың «Бір аспан тарихы» атты керемет композициясымен сүйемелденді.
«Біз үміт пен махаббат ноталары орын алған осы таңқаларлық симфония сияқты біргеміз. Димаш бізді бүкіл әлемді әуенге айналдыратын көкжиекке бағыттай отырып, жүрегіміздегі шабытты оятады.
Димаштың теңдесі жоқ өнері — Жер шарының түкпір-түкпірінен жиналған бізді біріктіріп, әлемде бейбітшілік туы мәңгі желбіреуіне өз септігін тигізіп жатыр. Керемет оркестр сияқты, әрқайсымыз жарқын болашақтың партитурасын жасауға өзіміздің бірегей нотамызды қосамыз. Біздің жасап жатқан іс-әрекеттеріміз көзге көрінбесе де, бейбітшіліктің дәнін себе алатынымызға сеніміміз мол. Бірлік бар жерде күш бар.
Біздің DEARS отбасымыз өсе берсін, дауыстарымыз тоқтаусыз жаңғырық сияқты естіле берсін және біздің сіздермен бөлісетін әлемнің жарқын жолдауы бүкіл ғаламда толқын сияқты тарала берсін», – деп, Димаштың жанкүйерлері ерекше толғаныстарын жеткізді. .