Ақтөбелік Dears Димаштың әлемдік фан-клубтарының логотиптері бейнеленген заттарды Ақтөбе қаласының облыстық тарихи-өлкетану мұражайына тапсырды, деп хабарлайды DimashNews KazInform-ға сілтеме жасап.
Ақтөбелік фан-клуб мүшелері Гүлзада Сатқанова мен Ғазиза Көшкімбаева Димаш Құдайбергеннің шетелдік фан-клубтарының логотиптері бар кәдесыйларды табыстау үшін мұражайға барды.
Гүлзада Сатқанова айтқандай, Dears жақын арада мұражайда Қазақстанның табысты жастарына арналған экспозиция ашылатынын білді. Мұражай өкілдерімен кездесу барысында Димаштың ақтөбелік жанкүйерлері өздерінің фан-клубы мен бүкіл әлем бойынша үлкен Dears фэндомы туралы айтқан болатын. Осыдан кейін мұражай қызметкерлері оларға жаңа экспозиция залына материалдар әкелуді ұсынды.
Осылайша, Ақтөбе қаласының мұражай қоры Димаштың концерттері кезінде түсірілген белгішелер, жалаушалар, ән мәтіндері мен фотосуреттері бар брошюралармен толықтырылды.
«Осы хабар барлығына белгілі болғаннан кейін, әлемнің түкпір-түкпірінен Dears бізге хабарласа бастады және олардың фан-клубтарының логотиптері бар белгішелерді мұражайға тапсыруды өтінді. Бұл жолы біз музей қорына 50-ге жуық төсбелгіні тапсырдық», – деп бөлісті Гүлзада Сатқанова.
Экспонаттарды мұражай директорының ғылыми істер жөніндегі орынбасары Бақытжан Қалнияз, ғалыми-хатшы Алман Ержанов, қазіргі тарихты зерттеу бөлімінің қызметкерлері Айбек Ертеміров, Айзагүл Жамбылова және қор зерттеу бөлімінің қызметкері Көркем Сейітхан қабылдады.
Мұражай қызметкерлері фан-клубқа өз алғыстарын білдірді. Облыстық тарихи-өлкетану мұражайының бөлім бастығы Айбек Ертеміровтің айтуынша, бұған дейін де Ақтөбе қалалық мәдениет бөлімі Димаштың қатысуымен өткен «Baqytty Bala» халықаралық байқауынан мұражайға заттар табыстаған.