Қараша айында Аргентинада көрнекті дизайнер Лола Монтераның сән көрсетілімі өтті. Онда сәнгер Димаш Құдайбергеннің шығармашылығынан туындаған «Destellos» жаңа топтамасын ұсынды.
Сән көрсетілімі қазақстандық өнерпаздың «Stranger» әнімен ашылып, көрермендерді баурап, тартымды атмосфераға бөледі. Лола Монтераның топтамасы ең алдымен ақ-қара түсте алтын және күміс жылтырақтарымен ұсынылып, 1000-нан астам көрерменнің назарын аударды.
«Destellos» (Жалтыл) топтамасының идеясы менің өмірлік тәжірибемнен және жүрегімнің тереңінен туындады. Жарық пен көлеңкенің, қараңғылықты кесіп өтетін сәулелердің бірігуінде осы топтаманың әрбір бөлігі дүниеге келді. Күн мен түн, күн мен ай алмасады, жарық пен қараңғылық күрескендей «Destellos» пайда болады. Ол жарық қараңғылықты жеңетін шайқаста пайда болады. Димаш Құдайберген бұл топтама үшін менің басты шабытым болды», – деп бөлісті Лола Монтеро.
Шоудың шарықтау шегі ретінде қызмет еткен әдемі үйлену көйлектерімен бірге «Ave Maria» композициясы орындалды.
