Baqytty bala 2023-ке Ресейден, Польшадан және Қазақстанның бірнеше қалаларынан Димаштың жанкүйерлері келді. Жанкүйерлерді Димаштың Ақтөбе фан-клубының Dears қарсы алды.
Фестиваль қонақтарын сүйікті әртістің концерттері туралы естелік кеші, қала бойынша экскурсиялар, Димаштың мурал портреті бар ғимараттың жанындағы естелік фотосуреттер және Қарғалы су қоймасына саяхат күтіп тұрды.
Башқұртстаннан келген Димаштың жанкүйері Эльвира байқау туралы өз әсерімен бөлісті:
«Біз Ақтөбеге екінші жыл қатарынан Bakytty Bala фестиваліне келдік. Өткен жылы біз Димашты көреміз деген үмітпен келіп едік, бірақ ол Алматыдағы концертке дайындық үстінде болатын. Ал биылғы жылы, қазір АҚШ-та болғанына қарамастан, біз жас таланттардың керемет қойылымдарын тамашалау үшін байқауға мақсатты түрде келдік. Әрбір жас әртісті үлкен қуанышпен тыңдаймыз және олардың ішінен үздігін қалай таңдауға болатынын түсінбейміз, барлығы өте талантты…
Бұл байқаудың халықаралық деңгейде өткізілгені, түрлі елдерден келген балалар және осы фестиваль арқылы Димаш оларға өз қабілеттерін көрсетуге, Марат Әйтімов сияқты тамаша педагогтардан орасан зор тәжірибе мен тәлім-тәрбие алуға мүмкіндік беретіні қуантады.
Бұл байқау дамып, өсіп, көкжиегін кеңейтсін. Біз қазірдің өзінде осы байқаудың жанкүйерлеріміз, әр жыл сайын келуді жазғай».
