ҚАЗ RUS ENG

ҚАЗ RUS ENG

Dimash World Димашты жанкүйерлері Қазақстанның жалауымен қарсы алды

Димашты жанкүйерлері Қазақстанның жалауымен қарсы алды

Нью-Иорктегі Джон Кеннеди атындағы халықаралық әуежайы өзінің тарихында көптеген танымал тұлғалар мен жарқын кездесулердің куәсі болғаны анық. Алайда АҚШ-тың ең ірі әуежайларының бірде-бірінде алыстағы Қазақстанан келген әншіні дәл бұлай, үлкен салтанатпен қарсы алмаған болар. Димаш Құдайбергенді әлемнің түкпір-түкпірінен келген 150-ге тарта жанкүйері гүл шоқтарымен күтіп алды, деп хабарлайды dimashnews.com тілшісі
Әртүрлі мемлекеттен жиналған көпшіліктің арасында жасы да, кәрісі де бар. Димашты қарсы алушылардың көпшілігінің қолдарында Қазақстанның көк туы желбірейді. Сонымен қатар сүйікті әншілерінің портреттік суреттерін де ұстап шыққандар кездеседі. Жанкүйерлері қазақстандық танымал әншінің концертіне сәттілік тілесе, бірнеше сағаттық ұшудан кейін шаршаса да, Димаш оларға әдеттегідей алғыс айтып, бірге естелік үшін фотоға түсті.
Еске сала кетейік, Нью-Йорктегі 19 мың көрерменге арналған Barclays Center-де болатын Димаштың концерті жергілікті уақытпен 9 желтоқсан күні, Нұр-Сұлтан қаласының уақытымен 10 желтоқсан күні өтеді.
Димаш «Arnau tour ENVOY» аясындағы сапарының жаңа бағдарламасымен өнер көрсетеді деп күтілуде. Әншінің өзі бұрын айтқандай, концерттік бағдарлама көрермендерге қазақтың төл өнерін қазіргі заманғы интерпретациямен таныстырады.
Димаштың барлық қойылымдарынан ұлттық нақыштар байқалып тұрады. Осыдан жанкүйерлердің әншіні бүкіл әлемге қазақ мәдениеті мен музыкасының хабаршысы деп бекер атамайтынын ұғамыз. Нью-Йорктегі шоудың негізгі тақырыбы – «Космос және Әлемнің шексіздігі». Әрине, бұл шараның әзірге айтылмайтын ақпараттары да бар, олар құпия түрде сақталады.
Бағдарламада Қазақстанның астанасы – Нұр-Сұлтанда өткен жазғы концерттің де ең жақсы сәттері қамтылған. Сонымен қатар осы бағдарлама үшін арнайы жасалған жаңа туындылар да бар. Димаш әндерді қазақ, ағылшын, орыс және қытай тілдерінде шырқайды.

Соңғы жаңалықтар

Шебер аспапшы, сыбызғышы – Санджай Алмишев

Сыбызғы - қазақ халқы үшін ең нәзік үнді үрмелі аспаптардың ішіндегі ерекшесі. Ол көшпелі халықтың музыкалық өнерінің ажырамас бөлігі. Ерекше дыбысы тыңдарманды бірден...

Dombyra телеарнасы таланттарды іздейді

Ұлттық Dombyra телеарнасы Ақмола облысының аумағында шығармашылық экспедициясын бастады, деп хабарлайды «Акмолинская Правда» газеті. Түсірілім тобы 11 күн бойы...

Оңтүстік Америкадағы Димаштың жанкүйерлері мұқтаж жандар үшін әлеуметтік қор құрды

16 қыркүйек күні «DK Alianza Sudamerica Oficial» фан-клубының құрылғанына 1 жыл болды. Бұл күнді атап өткен Оңтүстік америкалық  Dear-лар...

«RadioDimash.pl» радиосында Абай Құнанбаевқа арналған бағдарлама өтті

«RadioDimash.pl» польшалық фан-клуб радиосында 13 қазан күні қазақтың ұлы ойшыл ақынына арналған бағдарлама өтті. Абай Құнанбаевтың туғанына 175 жылдығына...

Оқи отырыңыз
Сізге ұсынылған