ҚАЗ RUS ENG

ҚАЗ RUS ENG

Әлем Туризм ARNAU TOUR: Ресей астанасы - Мәскеуде

ARNAU TOUR: Ресей астанасы – Мәскеуде

Мәскеу – мыңдаған жарық шамдардың, қарама-қайшылықтар мен оқиғалардың әдемі қаласы. Ресейдің жүрегі болып саналатын шаһардың әр көшесі – біреуге үлкен арман болса әрі сонау бір тарихтың жаңғырығы іспетті. Мәскеу – Еуропаның және бүкіл әлемнің ірі мәдени орталығы. Мұнда көптеген театрлар, концерт залдары, мұражайлар мен көрме кешендері бар. Дәл осы таңғажайып қалада 9 наурызд күніДимаш Құдайбергеннің «ArnauTour» аясындағы үздік концерттерінің бірі өтеді.

Мәскеудің негізі қаланған күн оның алғашқы жылнамаларының беті болып саналады, дәлірек айтсақ, 1147 жыл. Қазіргі Ресей астананың негізін қалаушы – Киевтің Ұлы князі Юрий Долгорукий. Әрине, Мәскеудің іргесі Киев князьінің келуінен әлдеқайда бұрынырақ қалағаны анық. Алайда, ол туралы ешқандай дерек жоқтың қасы.

Мәскеу бүгінде таңғажайып қалалардың қатарында, көптеген ерекше нысандары, ескерткіштері мен назар аударарлық орындары бар. Шаһар көшелері кешегі дәуірлердің шынайы көрінісінен сыр тартады, мұнда заманауи тіреуіштер мен кеңестік ғимараттар белгілі аймақтарға жақын орналасқан.

Мәскеуге алғаш рет аяқ басқандар алдымен әйгілі Қызыл алаңды аралағаны жөн. Өйткені, мұнда ғасырлық тарихтың құндылықтары – қаланың негізгі нысандары орналасқан. Қызыл алаңның айналасында Кремль сарайы, Мәскеу мемлекеттік университеті, көптеген соборлар, ескерткіштер мен мұражайлар бар. Мұндағы әрбір нысан – нағыз сәулет туындысы, оларды назарға алмау мүмкін емес.

Алаңның басты және белгілі көрнекті орындарының бірі – Ленин кесенесі. Кесенеге барғысы келетін туристердің ағыны жыл бойы толастамайды.

Сондай-ақ, үлкен қаланың атмосферасы мен энергиясын толықтай сезіну үшін аты танымал Арбатта серуендеген абзал. Бір кездері орыстың ұлы ойшылдары Л.Толстой, М.Горький, С.Есенин және басқа да тұлғалар бос уақыттарын өткізуді ұнатқан көптеген таңғажайып жерлер бар.

Мәскеуде әртүрлі талғамға сай жабдықталған үлкенді-кішілі, заманауи және тарихи мұражайлар мен галереялар орын тепкен. Әрқайсысының өзіндік қызықты және ерекше коллекциясы жетерлік. Мәселен, әлемге әйгілі Третьяков галереясын тамашалап көріңіз.

Астаналық атақты парктердің бірі – Воробьевы Горы туристер үшін өте тартымды болады деп білеміз. Онда мәдениеттен спортқа дейінгі әртүрлі шараларды жиі өтеді. Сонымен қатар Sparrow Hills-те керемет палуба орналасқан, оның биігінен әдемі мегаполистің барлық көрінісін көруге болады.

Жалпы, Мәскеуде біздің сүйікті көрермендеріміз өздеріне көптеген қызықты дүниелерді таба алады. Таңқаларлығы, тәуліктің кез-келген уақытында да, қала бір секундқа да тыным таппайды, ұйықтамайды.

Концерттен кейін сіз өзіңізді дәмді кешкі асқа немесе кофе орталығына апара аласыз – Megasport Arena жанында, 9 наурыз күні Димаш концерт беретін жерде көптеген кафелер мен мейрамханалар бар. Онда әншінің шығармашылығының жанкүйерлері орыстың да, басқа ұлттардың да тағамдарының дәмін тата алады.

Жалпы, Ресей астанасында концерттен бөлек, көптеген мәдени шаралар мен ойын-сауықтар өтеді, олардың әрқайсысы керемет әсер сыйлайтынына сенімдіміз.

 

Соңғы жаңалықтар

Эквадор радиосында әр сенбіде – Димаштың әндері!

7-наурызда "Radio Stereo Mundo La Mega" Эквадор ұлттық радиосында алғаш рет Димаштың орындауындағы әндер әуеледі. Бұл – Димаштың Эквадорлық...

Әнші және актер: Расул Усманов

Бір тыңдағаннан тұңғиығына тартып,баурап әкететін қоңыр дауыс, интонациялық тазалық,музыкаға, өзінің ісіне деген адалдық. Мұның бәрі біздің топтың бэк-вокал әншісі...

Əуенді əсерлі ететін Димаштың бэк-вокалистері

Кез келген соло-орындаушыны сахнада одан әрі әрлеп, сазды әуенімен толықтыратын кім екенін білесіз бе? Бұл – бэк-вокалистер. Олардың көмегімен...

Жанкүйерлер Димашты неге жанды дауыста тыңдағанды ұнатады?

Әншінің үні  -  оның айрықша қыры, уақыттың құрылысы. Ол өзінің даусының көмегімен тыңдаушыларының ішкі әлемінің құлпын ашып, жан дүниесінде...

Оқи отырыңыз
Сізге ұсынылған