2025 жылдың 23 тамызында Қазақстан, Ақтөбе қаласында «Өнер орталығы» концерт залында өткен Гала-концертте «Baqytty Bala–2025» VI ашық балалар вокалдық фестиваль-байқауының жеңімпаздары мен жүлдегерлерінің есімдері жарияланды.

Фестивальдің Гран-при және 1 миллион теңге жүлде иегері Минск (Беларусь) қатысушысы София Рустамова болды.

1 орын мен 700 мың теңге жүлде Ижевск (Ресей) қатысушысы Кирилл Усовқа берілді.

2-орын иегерлері Қазандық София Фадеева (Ресей) мен Алматылық (Қазақстан) Мирас Нағашыбай 500 мың теңгелік сыйлықтың иегері атанды.

3-орынды Өзбекстаннан келген қатысушы – Лайло Хафизова (Ташкент) және Қазақстаннан – Мөлдір Әбдірова (Ақтөбе) мен Нұршат Құсанова (Атырау) бөлісіп, 300 мың теңге жүлде алды.

Димаш Құдайбергеннің әлемнің 20 еліндегі «Dimash Dears» фан-клубтары атынан бес қатысушыға 100 мың теңге көлемінде ақшалай сыйлық берілді. Олар: Арсений Бардин (Можга, Ресей), Лев Смертин (Тирасполь, Молдова), Айару Қимағанбет (Ақтау, Қазақстан), Алина Аракелян (Саратов, Ресей), Мөлдір Базарбай (Орал, Қазақстан).

Үш қатысушы «Қазақювелирден» арнайы сыйлықтармен марапатталды. Керемет безендірулер: Сафина Самиева (Қара-Балта, Қырғызстан), Кәусар Медеркүл (Тараз, Қазақстан) және Амина Асгатоваға (Ақтау, Қазақстан) табысталды.

Қазақстандық қатысушыларға Әлихан Өтеген (Талдықорған), Азамат Орынғали (Ақтөбе), Әлихан Нұрлыбек (Астана), Абылай Нұрсұлтанға (Атырау) DQ брендінен естелік бұйымдар сыйға берілді.

Жеңімпаздар мен жүлдегерлердің есімдерін жариялау, естелік сыйлықтар мен кәдесыйларды табыстау байқау финалының барлық қатысушыларының өнер көрсетуімен қатар жүрді. Сол кеште көрермендер «Tun Im Huireni», «Ерак илдə», «Қуанамын», «Jamaica»,  «S.O.S», «Əлия», «Құсни-Қорлан», «Lady marmalade», «Хай-хай», «Feeling good», «Айкол Манас», «Күлдір-күлдіркісінетіп», «Derniere Dance», «I have nothing», «Ama credi e vai», «Қазағым-ай», «A song for you», «С любимыми не расставайтесь», «Акрыляй» сынды әр түрлі тілде жазылған композицияларды тыңдау бақытына ие болды.

Гала-концерттің арнайы қонағы Қазақстандық танымал әртістер болды. Кешті қазылар алқасының мүшесі, «Славян базары-2025» халықаралық байқауының Гран-при иегері, Дәнеш Рақышев атындағы филармонияның солисі (Талдықорған) Алмагүл Батталиева ашты.

Temirlan & Yernat дуэті Майкл Джексонның «They Don’t Care About U», Мансұр Құдайбергеннің пернетақтадағы «Together» атты төл туындысын ұсынса, домбырашылар триосы бірігіп «Alem» композициясын орындап, көрермендерді тәнті етті.

Гала-концерттің финалында «Baqytty Bala-2025» VI ашық балалар вокалдық фестиваль-байқауының Гран-при иегері Беларусь елінен келген София Рустамова Ерлан Көкеевтің «Сен» әнін қазақ тілінде акапелла орындады.