Қазақстан мен Қырғызстанның халық әртісі Димаш Құдайберген өзінің туған жері Ақтөбеде алтыншы рет өткізіліп жатқан «Baqytty Bala-2025» ашық балалар вокалдық фестиваль-байқауының қатысушы жас өнерпаздарына арнап тілек сөз жазды:

«Құрметті достар, алтыншы «Бақытты бала» 2025 фестивалінің қатысушылары! Мен, Димаш Құдайберген, сіздерді туған жерім Ақтөбе қаласында көргеніме қуаныштымын!

Осындай шығармашылық алаңда таланттарыңыз толық ашылсын. Жаңа таныстықтар сіздердің музыкалық көкжиектеріңізді кеңейтіп, танымал мұғалімдердің шеберлік сабақтары сіздерді алыс армандарға жетелеп, сол армандардың орындалуына атсалысуын тілеймін!

Әрқайсыңызға ең алдымен өздеріңізді, өздеріңіздің іштеріңіздегі күмәндарыңыз бен уайымдарыңызды жеңулеріңді тілеймін. Әрбір байқау сіздердің Жұлдыздарыңыздың жарқырауына жаңа қадам екенін біле жүріңіздер. Ал дәл осы біздің «Бақытты бала» фестивалінде жұлдызыңыз жарқырай түсеріне сенімдімін! Сапарларыңыз сәтті болсын, құрметті достар!»

Ақтөбедегі «Өнер орталығында» өткен фестивальдің гала-концертінде Димаштың сөйлеген сөзінің видеосы көрсетілді.