ҚАЗ RUS ENG

ҚАЗ RUS ENG

Басты жаңалық Латвияда Наурыз мейрамына арналған концерт өтті

Латвияда Наурыз мейрамына арналған концерт өтті

Басты жаңалық Латвияда Наурыз мейрамына арналған концерт өтті

Латвияда Наурыз мейрамына арналған концерт өтті

«Қош келдің, Наурыз!» – деген тамаша атаумен алғашқы рет Балтық жағалауы елдері, оның ішінде Латвияда Мұрат Өскінбаев атындағы Маңғыстау облыстық филармониясының «Ақжарма» қазақ халық аспаптар ансамблі мен «Жорға» халық биінің үлкен мерекелік концерті өтті.

Бұл іс-шара Қазақстанның Латвиядағы Елшілігі мен Елші Дәурен Кәріповтың бастамасының, сондай-ақ бесінші жыл дүниежүзіне шығармашылығын ғана емес, сонымен бірге әншінің туған жерін де әлемге танытып келе жатқан Димаш Құдайбергеннің латвиялық фан-клубының сұранысының арқасында атап өтіле бастады.

Мерекені өткізу үшін Ригадағы ең жақсы орындардың бірі, Елшіліктің шақыруымен бірнеше жүздеген қонақтар жиналған «VEF» мәдениет сарайының Үлкен залы таңдап алынды.

Іс-шараның ашылуы кезінде Елші Дәурен Кәріпов барлығына қатысқандары үшін алғыс айтып, бұл бірінші кезекте Қазақстан мен Латвия арасындағы мәдени байланысты нығайтуға ықпал ететінін атап өтті.

Шара барысында қазақстандық өнерпаздар халық әуендері мен қазіргі қазақ композиторларының шығармаларынан тұратын бай және алуан түрлі бағдарламаны көрермендерге қазақтың халық аспаптарында ұсынып, әдемі ән мен тамаша би нөмірлерін көрсетті. Ал көрермендер мұны өз кезегінде ерекше әсермен тыңдап, зор қошемет көрсетіп отырды.

Латвиялық көрермендерді қазақ мәдениетінің алуан түрлілігі мен бірегейлігі, орындалған туындылардың ерекше әуені мен ұлттық киімдердің керемет сұлулығы таң қалдырды.

Мерекенің ерекше тосын сыйы – Елшіліктің барлық қонақтарға сыйға тартқан Қазақстанға туристік сапар кітабының тұсаукесері болды. Ал бұл басылымның басты ерекшелігі – ағылшын тілімен қатар қазақ және латыш тілдерін қолдануы.

«Димаш Құдайбергеннің латвиялық «Dimash Latvia Dears» жанкүйерлер клубы Қазақстанның Латвиядағы Елшісі Дәурен Кәріпов мырза мен Маңғыстау облысының мәдениет, мұрағаттар және құжаттама басқармасының басшысы Әбілқайыр Байпақов мырзаға тамаша өткізілген мерекелік концерт үшін, сондай-ақ жанкүйерлер клубы мен алдағы барлық ауқымды жоспарларды қолдағаны үшін шын жүректен алғысын білдіреді», – деп бөлісті латвиялық Dears.

Соңғы жаңалықтар

Нью-Йоркте Димаштың Түркияда өтетін мерейтойлық концертіне арналған бейнеролик көрсетілді

Димаш Құдайбергенмен түскен жарнамалық роликтер Нью-Йорктің Таймс-скверіндегі ең үлкен және масштабты LED-экрандардың бірінде бірінші рет көрсетіліп тұрған жоқ. Бұған...

Жапондық Dears Қазақстан құрамасына қолдау көрсету үшін теннистен Billie Jean King cup матчына қатысты

2024 жылдың 12 және 13 сәуірінде Димаштың жапондық жанкүйерлері Қазақстан құрамасына қолдау көрсету үшін Токиодағы теннис матчында кездесті. “Билли...

Әдебиеттің жаңа көкжиектерін ашқанда: жазушы Әлихан Жақсылықпен сұхбат

Әдебиет әлеміндегі қалыптасып қалған қағидалардан шығып, туындылары арқылы оқырман сезімі мен дүниетанымына әсер еткен шығармалар болған және бола да...

Димаштың «When I’ve Got You» әні Польшадағы радиостанциялар хит-парадында көш бастады

13 сәуірде Димаштың «When I’ve Got You» композициясы поляк радиосының TIP TOP – Radio Nowy Świat Hit Charts бағдарламасының...

Фан-клуб тауарларын жасау және сату бойынша ұсыныстар

Димаш Dears-тың ерекше қолдауларына алғыс білдіре отырып, Dears фан-клубтары мен топтарын жарнамалайтын футболка және басқа да тауарлар жасап шығару...