ҚАЗ RUS ENG

ҚАЗ RUS ENG

Dimash World Димаш Құдайберген - Қазақстан Республикасының еңбек сіңірген қайраткері

Димаш Құдайберген – Қазақстан Республикасының еңбек сіңірген қайраткері

Әнімен әлем елдерін сүйсіндірген, күні кеше ғана Америка аспанын қазақ әндерімен тербеген Димаш Құдайберген елге оралған бойда Қазақстанның еңбек сіңірген мәдениет қайраткері атанды деп хабарлайды dimashnews.com тілшісі Ақорда сайтына сілтеме жасап.

Тәуелсіздік күні мерекесі қарсаңында Мемлекет басшысы Қасым-Жомарт Тоқаевтың Жарлығымен берілген жоғары мемлекеттік награданы әншіге Мәдениет және спорт министрі Ақтоты Райымқұлова салтанатты жағдайда табыс етті.

Осы рәсімде министр жас әншінің бүкіл әлемде отандық мәдениеттің дамуына және танымал болуына қосқан ерекше үлесін атап өтті. Әлеуметтік желілерде Димаштың бұл марапатқа әбден лайық екендігі жайында көптеп жазылуда. «Ол кез-келген наградаға лайық», «Оған Батыр берілуі керек», «Біздің алтынымыз, біз сені мақтан тұтамыз, сіз барлық марапаттарға лайықсыз», «Сізді Құдай қолдасын», деп жазады әлеуметтік желі қолданушылары мен жанкүйерлері.

Димаш Құдайбергеннің анасы Светлана Айтбаева қазіргі уақытта АҚШ-тағы Нью-Йоркте өткен концерттен кейін Нұр-Сұлтанға ұшып келе жатыр. Сүйіншілі жаңалықты естіген ол Dimashnews порталының редакциясына хабарласып, өзінің ұлымен мақтанатынын, жетістіктеріне қуанатынын айтты. «Мен бұл жаңалыққа өте қуаныштымын және Димаштың осы марапатқа, осы атаққа лайық екеніне сенімдімін. Бұл біз үшін үлкен мәртебе! Біз Қазақстан Республикасының Президентіне және барлық жанкүйерлерге алғыс айтамыз!», деді әншінің анасы.

Еске салсақ, жақында Нью-Йоркте алғаш рет Димаш Құдайбергеннің жеке концерті өткен болатын. Қазақстандық жұлдыздың кешіне әлемнің 63 елінен және Американың 41 штатынан жанкүйерлер жиналды.

© DimashNews.com - Сайт әкімшілігінің рұқсатынсыз материалдарды көшіріп басуға болмайды!

Соңғы жаңалықтар

Музыкалық туризмнің табысы шаш-етектен

Музыканың жағымды легі құлақтан өтіп, жүрекке жетеді, сананы баурайды. Сондықтан ол жанды рахатқа бөлеп, өзгеше сиқырлы әлемге жетелей түседі....

Екатеринбург Димаштың әнімен тыныстады

23 ақпан күні Екатеринбург-Экспо концерт залы қошеметке толы шапалақ пен айғайға, қолдап, қолпаштаған көпшіліктің үніне толды. Бұл Димаш Құдайбергеннің...

Димаштың концерттеріне билеттерді қайдан алуға болады?

Құрметті Димаш Құдайбергеннің жанкүйерлері! НазарларыңызғаARNAU TOUR 2020 туры аясында Димаштың концерттері өтетін қалалар мен ареналардың толық тізімін ұсынамыз.   23 ақпан, 2020 Ресей...

Димаштың Қазандағы концерті қалай өтті?

20 ақпан күні Димаш Құдайберген «Арнау» туры аясында Татарстанның астанасы Қазан қаласына барды. Қазақстандық әншінің 10500 орындық «Татнефть» мұз...

Оқи отырыңыз
Сізге ұсынылған

© DimashNews.com - Сайт әкімшілігінің рұқсатынсыз материалдарды көшіріп басуға болмайды!