ҚАЗ RUS ENG

ҚАЗ RUS ENG

Dimash World Бұл –Димаштың туған елінің тәуелсіздігі күніне тартуындай

Бұл –Димаштың туған елінің тәуелсіздігі күніне тартуындай

Елдің егемендігінен қастерлі, қасиетті ештеңе жоқ. Сондықтан да бүгінгі мерекенің мәні мен маңызы зор, мәртебесі заңғар. Осынау тәуелсіздіктің арқасында талантты ұлдарымыз бен дарынды қыздарымыз Қазақстанның атын дүйім жұртқа, мұқым дүниеге танытты. Солардың бірі һәм бірегейі – Димаш Құдайберген. Ұлтының атын әлем елдеріне танытқан, қазақ мәдениетінің, өнерінің жер бетіндегі елшісіндей болған әнші ұлымыздың мұхиттың арғы бетіндегі Америкада өткізген кеші аңыз іспетті айтылуда. Әлемге танымал жұлдыздар концерт берген сахнаға елінің тәуелсіздігі күні қарсаңында Димаштың да шығып, алпыстан аса мемлекеттен келген жанкүйерлерін қазақша сөйлетуі – бөлек әңгіме. Әлеуметтік желіні шарлап кеткен концерт барысындағы бейнеге назар аударсақ, Димаш Құдайбергеннің «Әлемде бірлік болсын!» деген сөзін залдағы бүкіл тыңдарман қосыла айтады. https://www.instagram.com/p/B6IPzfaHHix/?igshid=kz4tcvu8jo0d Осы сәтте ғой, КСРО деген алып империяның, «көзі тірісінде», ғарышты бағындырғанда қазақ ақыны Олжас Сүлейменовтің «Адамға табын, жер енді» деп жырлағаны еске түседі. Димаштың концертінің әлгі тұсында біздің де тіліміздің ұшына «Қазақ өнеріне табын, дүние!» деген сөз орала берді! Тағы бір айта кетерлігі, Димаш Құдайбергеннің әлем елдерін аралап концерт беруі, қазақ өнерімен дүниежүзін қайран қалдыруы Тәуелсіздік күнімен тұспа-тұс келуін, әншінің туған еліне тартуындай ұғындық. Өйткені, «Арнау» туры әу баста ел астанасы Нұр-Сұлтан қаласынан бастау алғаны мәлім.

Соңғы жаңалықтар

Мәнерлеп сырғанаушы Тсуёши Хонда Димаштың «S.O.S» әнімен Жапония чемпионатында жеңіске жетті

Жапондық мәнерлеп сырғанаушы қазақстандық Денис Теннің Димаш Құдайбергеновтің хитімен мұз айдынына шыққанын көрді. Лукас Тсуёши Хонда да "S. O....

«Life goes on»: BTS тобы жеке альбомын неге арнады?

«Өмір жалғасуда» – бұл BTS-тің жаңа «BE» альбомын ашатын әннің атауы. Мұнда күтпеген жерден Оңтүстік Корея тобының мүшелері өз...

«Астана Опера» еуропалық хореографпен ұлттық балет дайындауда

"Дала үні" қойылымын Қазақстан мәдениетінің символына айналдыру . Кәсіби мамандардың пікірінше, бұл қазақ жерінде ғана емес шет елде де...

Мажарстанда Димаштың шығармашылығын таныту жолға қойылды

Мажарстандағы ең ірі музыкалық басылым " Zene"-де  Димаш Құдайберген туралы мақала жарық көрді. Авторы - қазақстандық әншінің жанкүйері Габриелла...

Оқи отырыңыз
Сізге ұсынылған