Тағы 12 әлемдік жұлдыз «Tokyo JAZZ+plus LIVE STREAM» онлайн-концертінде өнер көрсетеді

236

23-24 мамыр, яғни осы демалыс күндері көптен күткен «Tokyo JAZZ+plus LIVE STREAM» жапон джаз фестивалі өтеді. Шараға әлемдік әртістер мен джаз музыкасының саңлақтары қатысады. Фестиваль ұйымдастырушыларының хабарлауынша, өнер көрсететіндер қатары тағы 12 артиспен толықты.

«Өнер көрсететін жұлдыздар қатары тағы 12 артиспен толыққанын қуана хабарлаймыз. Олардың қатарында Джошуа Редман, Боб Джеймс, Ли Ритенур, Турумаса Хино, Gotch және Сэнри Кавагучи бар», – деп хабарлады фестиваль ұйымдастырушылары өздерінің ресми сайтында.

Сонымен бірге, соло-концерттерден өзге фестивальде таңқалдыратын әрі қызықты коллаборациялар болады деп күтілуде.

Жапон композиторы Томоми Ода, «CRCK/LCKS» поп-тобының мүшесі, танымал жапон суретшісі Акико Накаяма өздерінің жаңа спектакль-перформансын ұсынады. Ода әуені мен Накаяманың жанды өнер туындылары бірлесіп, бізге көздің жауын алар көрініс сыйлайды.

Келесі жарқын коллаб – Хироми мен Джошуа Редманға тиесілі. Хироми түрлі артистермен бірге ойнайды. Осы жолы саксофонист Джошуа Рэдман онымен бірлесіп, қашықтықтан өнер көрсетпек.

«Ovall» жапон музыкалық тобы мен «ASIAN KUNG-FU GENERATION» тобының жетекшісі вокалисі Gotch өздерінің жаңа әндерін ұсынады. Жаңа туындыға «Ovall» қатысушысы mabanua продюсерлік еткен.

«French jazz festival» және «Jazz à Vienne-мен» бірлескен жоба ретінде «TRI4TH» жапон би джаз-тобының өнерін айтуға болатын, олармен бірге танымал әнші Чайна Мозес «сахнаға» шығады.