Бразилияның екі ірі Сан-Паулу мен Бразилиа қалаларында Димаш Құдайбергеннің суреті бейнеленген автобустар жүре бастады. Қазақстандық өнерпаздың Бразилиялық жанкүйерлері ұйымдастырған бұл жоба 30 күнге созылады.

Бразилиялық DQFCBrasil фан-клубы Димаштың шығармашылығын насихаттау мақсатында «Димаш жолда» жобасын бастады. Екі мегаполистің көшелерінде Димаштың портреттерімен жабдықталған және «Ерекше дауыс иесі Димаш Құдайбергенді тыңдап көріңіз де, жан-дүниеңізбен сезімге бөленіңіз. QR код арқылы кіре аласыз» деген жазуы бар қалааралық автобустар таңғы сағат 6-дан кешкі 23.00-ге дейін қатынайды.

Қала тұрғындары автобустарда, аялдамаларда және жолдарда орнатылған QR кодтарын сканерлей алады. QR код Димаштың 2021 жылғы DIMASH DIGITAL SHOW аясында орындаған туындыларының ішінде ең маңыздысы «SOS D’un Terrien En Détresse» композициясына бағыттайды.