Құрметті, Dears, біз cіздердің хикаяларыңызды күтеміз!

Құрметті оқырмандар!

Біздің ақпараттық-танымдық сайтымыздың оқырмандарының көпшілігі Димаш Құдайбергеннің шығармаларын сүйетіндер мен әншіге құрметпен қарайтындар екенін білеміз. Димаштың даусы бәрімізге ұнайды, енді біз Сіздердің де үндеріңізді естігіміз келеді. Сайт ұжымы оқырмандарының ішінде өнер, туризм тақырыптарын білетін және өзі тұратын елдің тарихы туралы өте мазмұнды әңгімелер айтатын адамдар бар деген сенімде. Сіздің еліңізде қалыптасқан мәдениеттің, әдебиеттің, руханияттың ерекшеліктерін көрсететін кез келген қызықты деректер болуы әбден мүмкін. Мәселен, салт-дәстүр, әдет-ғұрып, халық ырымдары, жоралғылар, мерекелер және басқалар.
Айталық, біз жақында Димаштың құрметіне ағаш отырғызып, оны орманға айналдырып, жасыл алқапты «Димаш орманы» деп атағысы келетін түркиялық Dears туралы қуанышпен жазып, жарияладық. Бұл оқиға барысынан Димашқа деген ыстық ықыласты аңғарасыз, ағашқа деген құрметті, Түркияға деген құштарлықты байқайсыз. Біз ең жақсы оқиғалар арқылы бүкіл әлемге оқырмандарымыздың бірегейлігін, құрметті Dears-ты көрсеткіміз келеді!
Өздеріңіздің ең қызықты шығармаларыңызды, түсірілімдеріңізді, жазбаларыңызды өз тіліңізде жолдаңыздар. Біз қуанышпен қарсы алып, мейлінше жауап қатуға тырысамыз. Сүйікті әншіңізбен тығыз байланыс орнатуға септесеміз.
Сіз кез келген шығармаңызды «Менің әдемі туындым» деген айдармен редакцияның электронды мекен-жайына жібере аласыз: press@dimashnews.com. Сіздің фотосуреттеріңіз, сондай-ақ сипатталған оқиғалар орнындағы фотосуреттер қоса қабылданады. Назар аударыңыз, кері байланыс үшін деректер қалдыруды ұмытпаңыз – электрондық пошта мекенжайы немесе телефон нөмірі.
Біз ең қызықты оқиғаларды жаңалықтар сайтында жариялайтынымызға қуаныштымыз.

Сіздерге деген құрметпен, Редакция.