Димаш Құдайбергеннің шығармашылығына деген шексіз махаббаттың арқасында Латын Америкасының сегiз елінен біріккен жанкүйерлері желіде басқосып, ерекше сыйлық ретінде «Махаббат бер маған» композициясын хормен орындап, жүрекжарды бейнероликтерін арнады.

Сыйлық жасау идеясы Боливия, Перу, Мексика, Аргентина, Уругвай, Чили, Коста-Рика, Парагвай және Доминикан Республикасының жанкүйерлерінен пайда болды. Қашықтыққа қарамастан олар желіде бірігіп, керемет туындыны бірге орындап шықты. Олардың пікірінше, Димаш пен оның шығармашылығындағы нәзік сезімдерді айқын көрсететін әнді таңдап алған екен.

«Махаббат бер маған” – жай ғана әдемі әуен емес. Бұл әннің өн бойында Димашқа деген нәзік сезімімдеріміз жатыр. Олар: шынайы махаббат, шабыт және шексіз алғыс. Оның таңғажайып дауысы мен өнері географиялық, тілдік және мәдени шекараларды байланыстырады», – деп жобаға қатысушылар өз ойларымен бөлісті.