Тянь-Шань етегіндегі Қытайдың Налати ауданы — Іле Қазақ автономиясының көркем аймағында 9 және 10 тамызда Nalati Music фестивалі өтті.
Фестивальдің финалында Димаш Құдайберген 40 минуттық бағдарламамен өнер көрсетті.

Жазғы кештің салқын ауасы мен Налатидің жасыл шалғындарының сұлулығы әртістердің энергиясымен және көрермендердің қошеметімен үйлесе кетті. Музыкалық фестиваль Қытайдың солтүстік-батысындағы 100 кереметтің тізіміне енген табиғи саябақтағы ерекше іс-шараның біріне айналды.

Тянь-Шань тауларының арасында әлемдік фьюжн музыкасы электронды және фольклорлық музыкамен үндесіп, әсем аспаптық нөмірлердің үні мен таң қалдыратын би нөмірлері жиналған қонақтардың көңілінен шығып, олардың қошеметіне ие болды.

Фестивальде Zheng Jun , Hao Yun , Jiubao Band, Call Me Mr Lyon, Nalati Band, Lost Train Band сынды қытайлық және шетелдік танымал музыканттар өнер көрсетті.

Фестивальде Қазақстан мен Қырғызстанның халық әртісі Димаш Құдайберген өз репертуарындағы әндерді қазақ, ағылшын және қытай тілдерінде орындап берді.
Димаш қытайлық көрермендерге жақсы таныс романтикалық сезімге толы «Autumn Strong», «Ұмытылмас Күн», «Махаббат бер маған», сондай-ақ, «Give Me Your Love» және «Тау ішінде» әндерін орындады.

ГАЛЕРЕЯ