Осака қаласында өтіп жатқан EXPO халықаралық көрмесінде қазақстандық әнші, Димаш Құдайбергеннің жапондық жанкүйерлері Қазақстан делегациясын жылы қарсы алды. Ерекше сәттердің бірі — Жапониядағы Димаштың ресми фан-клубының кеңесшісі және Орталық Азия визалық орталығының президенті Сатоши Акаоның Қазақстанның әнұранын ұлттық киіммен орындауы болды.

Сатоши Акао – Қазақстанмен көп уақыттан берік байланысы бар адам. Ол 1996 жылы Жапонияда Қазақстан Республикасының Елшілігін құруға қатысты, көптеген жылдар бойы жобалар мен БАҚ арқылы Қазақстанды мәдени алмасу және насихаттаумен айналысады. Оның портфолиосында Абайдың 175 жылдығына арналған бейнежоба ұйымдастыру, қазақтың ұлттық киімінде Айсұлудың анимациялық кейіпкерін жасау, сондай-ақ Димаштың шығармашылық бастамаларына тұрақты қолдау көрсету жұмыстары да бар.

Акаоның өзі әнші туралы алғаш рет 2017 жылы елшіліктің қызметкерлерінен білгенін, ал 2019 жылы Жапонияға алғашқы сапары кезінде Димашпен жеке танысқанын айтты. «Димаштың жүзінде оның мінез-құлқындағы керемет мейірімділік пен өзгеге құрметі ерекше байқалып тұрды», – деп еске алады ол.

Акао құрамына кіретін Жапониядағы Димаштың фан-клубы көп жылдар бойы Димашқа қолдау көрсетіп, жапондықтарды Қазақстан мәдениетімен таныстырып келеді. Жақында клуб өкілдері Central FM радиосының Қазақстан мен Димашқа арналған арнайы бағдарламасына қатысты.

«Ғажайып Қазақстан» деп аталатын бағдарлама 10 тамыз – Қазақстан Ұлттық күнінде эфирге шығып, тыңдармандардың ыстық ықыласына бөленді.

Акаомен эфирге Қазақстанның Жапониядағы Елшілігінің бірінші хатшысы, Қазақстанның Жапониядағы Сауда-өнеркәсіп палатасының өкілі және Чуо ауданы ЮНЕСКО қауымдастығының кеңесшісі Айдос Далкенов, Эдо тағамдарын зерттеуші және бестселлер авторы Укиё Курума және фан-клуб өкілі Фуми Фуруяма қосылды. Әңгіме тақырыптары еліміздің тарихы, мәдени дәстүрлері, Қазақстан мен Жапония достығының символдарының біріне айналған Димаштың шығармашылығын қамтыды.