Димаш Құдайбергеннің туған күніне орай әншінің Парагвайдағы фан-клубы Асунсьон қаласында қайырымдылық акциясын ұйымдастырды. Dears іс-шараны сүйікті әртісінің атынан игі іс жасау арқылы атап өтті. Олар музыкамен айналысатын әлеуметтік жағынан осал топтағы 200-ге жуық балалар мен жасөспірімдер орталығында болды.

Қонақтар вокал және музыкалық аспаптарда ойнауды үйреніп жүрген дарынды балаларға сыйлықтар әкеліп, олармен бірге уақыт өткізді.

«Өз ісіне адал, нәзік жанды ұстаздар жол сілтеп жүрген осындай дарынды балалармен кездесуі – біз үшін естен кетпес ерекше оқиға болды. Олардың арасында Димаштың шығармашылығынан бұрыннан шабыттанып, онымен жүздесуді армандап жүрген жас жанкүйерлері бар екенін білу бізді тіпті тәнті етті», – деп клубтың өкілдері өз ойларымен бөлісті.