21 мамырда Испанияның Tuya TV телеарнасында Димаш Құдайбергеннің Испаниядағы фан-клуб мүшелерінің сұхбаты көрсетілді. Испандық телеарнада жанкүйерлеріне қазақстандық әнші, оның шығармашылығы және халықаралық Dears қауымдастығы туралы алғаш рет эфир беріп отыр.

Гильермо Ортис жүргізетін Cada vez más cerca бағдарламасында фан-клуб өкілдері – Димашты, оның музыкасын және Испанияда Қазақстанның мәдениетін насихаттау туралы өздерінің басты міндеттерін айтып өтті. Жергілікті жанкүйерлер қауымы үшін маңызды шаралардың біріне айналған әншінің Барселонадағы алдағы концертіне ерекше назар аударылды.

«Димаштың Испанияға келуі – біздің ортақ үлкен арманымыздың орындалуы болмақ. Бұдан былай La marea roja деп аталатын біздің испандық командамыз өз жұмысын бұрынғыдан да зор ынтамен және ерекше сүйіспеншілікпен жалғастыратын болады», — деп фан-клуб мүшелері өз ойларымен бөлісті.