Итальяндық Radiobresciasette радиостанциясы Димаш Құдайбергеннің Қытайдағы «I’m Singer» байқауына қатысқанына 8 жыл толуына орай арнайы шығарылымдар сериясын көрсететінін хабарлады.

2025 жылдың 19 қаңтарынан бастап, әр жексенбіде жергілікті уақыт бойынша сағат 11:00-де «Dove e quando» («Қайда және қашан») бағдарламасы аясында жүргізуші Донателла Вальгонио Димаштың жанкүйерлері Dears қатысуымен өткен байқау кезеңдерін еске алады. Әрбір бөлім Димаштың француз, ағылшын, итальян, қытай, орыс және қазақ тілі, яғни алты тілде ән орындаған 14 раундтың біріне арналады.

Тыңдаушыларды шығарылымдардың жазбаларымен ғана емес, сонымен қатар әр шығарылымға дайындықтың қалай өткендігі, нөмірлерді дайындау процесі туралы халыққа таратылмаған фактілер және басқа да сахнаның артындағы эксклюзивті мәліметтермен таныстырады.

Бағдарламаны радиостанцияның сайтынан онлайн тыңдай аласыздар:
https://www.radiobresciasette.it/