14 қарашада Германия астанасында өткен жеке концертінде Димаш Құдайберген өзінің «Stranger» турын жалғастырды. Бұл қазақстандық әртістің Берлиндегі алғашқы концерті. Бұған дейін ол 2022 және 2024 жылдары Дюссельдорфта өнер көрсеткен болатын.

Бүгін Max-Schmeling-Halle сахнасында Димаштың өзінің он авторлық туындысымен қоса, жалпы алғанда жиырмадан астам композициясы орындалды.

Жас Димаштың алғашқы шығармаларының бірі — «Ұмытылмас Күн» әні 2016 жылғы алғашқы концерттік турынан бастап әрбір жеке концертінде орындалып келеді. Ол кезде бұл тур дәл осы авторлық композицияның атымен аталған еді.

10 жыл ішінде бұл әнді әлемнің көптеген елдеріндегі тыңдармандары жаттап алып, әрбір концертте Димашпен бірге сол бір ұмытылмас күнді үлкен сезіммен бірге шырқайды.

Бүгін осы және басқа да көптеген композициялар орындалғанда көрермендердің қолындағы шамдар жанып, бүкіл залға керемет сұлулық пен сиқыр сыйлады.

Бұл акцияны Dimash Fanclub Deutschland клубы тыңдармандарға алты мыңнан астам шам таратып, ерекше ұйымдастыру жұмыстарын жүргізген болатын.

«Give Me Your Love» — алғаш рет 2019 жылы Мәскеуде өткен Димаштың жеке концертінде орындалған жарқын әрі динамикалық ән. Хореографиялық көрініспен безендірілген бұл туынды әрбір концерттік бағдарламада орындалып келеді.

Сондай-ақ 2021 жылы Dimash Digital Show онлайн-концертінде алғаш орындалған «Be With Me» авторлық әні де көрерменді жігерлендіретін композициялардың бірі. Бұл шығармадан Димаштың тек вокалист және биші ғана емес, рэп орындаушы ретіндегі таланты да айқын көрінеді.

«Smoke» және «When I’ve Got You» композицияларын Димаш алғаш рет 2023 жылы Гонконгтағы жеке концертінде орындаса, «Fire» әні 2024 жылы Астанадағы шоуда ұсынылды. Америкалық әріптестерімен бірлесіп жасалған бұл туындылардың барлығына кинематографиялық өрнек тән, бұл вампирлік және тыңшылық тақырыптағы клиптерден де байқалады.

Димаштың авторлық жұмыстарына абсолютті әртүрлілік тән екені сөзсіз. Мұны 2022 жылы Алматыда өткен «Stranger» турының атаулы концертінде алғаш кең аудиторияға ұсынылған терең философиялық мазмұны бар «El Amore En Ti» және «The Story Of One Sky» атты екі ірі туынды растайды. Бүгінгі Берлиндегі концертте де бұл туындылар көрермендердің ерекше эмоциясын тудырды.

2025 жылғы концерттік тур Димаштың жаңа жазған туындыларымен толықты. Нью-Йорктегі премьера күнінен бастап тыңдармандар қазақ тіліндегі «Самғау» әнінің және ағылшын тіліндегі «Living For The Game» композициясының релизін асыға күтуде.

Құрметті достар, Димаштың келесі жеке концерті 30 қарашада Египетте «The Pyramids Echo» фестивалі аясында екі сағаттық шоу форматында өтеді.

Ал «Stranger» турының жалғасы 12 желтоқсанда Латвияның Рига қаласында өтеді.

Іс-шараларға билеттерді төмендегі сілтеме арқылы алуға болады:
https://en.dimashnews.com/events-schedule/