2024 жылдың 13-20 қазаны аралығында Алматыда алғаш рет теннистен ATP 250 сериясы бойынша турнир эстафетасы өтеді.

2024 жылы 15 қазанда Almaty Arena стадионында ауқымды халықаралық жарыстың ашылу салтанаты өтті.

Шараның хедлайнері – ҚР халық әртісі Димаш Құдайберген болды.

Әншінің тыңдармандары Димаштың үлкен теннис жанкүйері екенін, сонымен қатар физикалық формасын сақтау үшін үнемі жаттығып, осы спорт түрімен айналысып тұратыны туралы біледі.

Ашылу кезінде Димаш теннистің рухын толық көрсететін «When I’ve Got You» және «Weekend» композицияларын орындады.

Димаш соңында А.Жұбанов атындағы Ақтөбе музыкалық колледжінің тұңғыш директоры, композитор Қайырғали Қожанбаевтың «Ризамын тағдырға» әнін қазақ тілінде орындап, көрермендердің көңілінен шықты.