2025 жылдың 1 ақпанында Будапештте «Virtuosos» байқауының соңғы эпизоды түсірілді.

Қазылар алқасының жұмысына хорватиялық виолончелист Степан Хаузер және қазіргі заманның ұлы теноры маэстро Пласидо Доминго қосылды. Бұл құрамның қатарында жобаның өткен маусымының төрешілер бригадасының құрамында бірге болған қазақстандық әнші және композитор Димаш Құдайберген де болды. Ол өткен жылдың қазан айында Сингапурда өткен «Virtuosos Charity Concert event» қайырымдылық концертінде өнер көрсеткен болатын.

«Virtuosos» шоуының жаңа шығарылымдары әр аптаның жұма күні Duna TV телеарнасында 25 сәуірден бастап көрсетілетін болады.

Ал әзірге венгриялық, австриялық, словениялық, сербиялық және черногориялық жас сайыскерлердің арасында қайсысы финалға өтіп, кімнің жеңімпаз атанғаны құпия болып қала береді.

Жобаның авторлық құқығын сақтай отырып, DimashNews редакциясы дәл бүгін жаңа фотосуреттермен бөліседі.

Сондай-ақ, өткен түсірілім күндерінің ең сәтті шыққан кадрлары жинақталған галереясын назарларыңызға ұсынады.

Фотосуреттер галереясы