Аргентина, Уругвай, Мексика, Венесуэла және Испаниядан келген Dears құрған қазақстандық әншінің «Димаш үшін» жанкүйерлер тобы Патагония достарының қауымдастығы үшін Аргентинадағы орман өрттері сияқты табиғи апаттардан зардап шеккен ормандарды қалпына келтірумен айналысатын Аргентинаның солтүстігінен бірлесе отырып 300 ағаш сатып алды.

Димаш Құдайбергеннің «OMIR» туындысынан шабыттанған Dears:
«Біздің өмір жолымызда кездескен әрбір адамның өзіндік орны бар. Біз табиғаттың ең құнарлы бөлігі жер сияқтымыз. Кейбір адамдар басқалардың жүрегінде гүлдеген махаббат дәндері сияқты. Олар өне бойларына сұлулықты, сүйіспеншілікті, мейірімділік және нәзіктікті сіңіре білген.

Димаштың дауысы – бір-бірімізді құрметтеуге, бір-бірімізді сүюге, бейбітшілік орнатуға және ғаламшарымызды әрқайсымыздың үйіміздей күтуге шақыратын тамаша хабар»,- деп барлығын бірігуге шақырды.

OMIR жобасының алғашқы қадамы Акамбуко — Сальта — Аргентина табиғи қорығына 300 ағаш жөнелтумен басталды.

Бұл қорық Аргентинаның солтүстігіндегі өсімдіктің әр түрі өсетін (субтропикалық джунгли) Сальта провинциясында орналасқан. Quina Colorada, Urundales, Robles Criollos, Lanzas Blancas, Simaras, Pacaras және Horcos Cebiles сияқты ағаш түрлері Акамбуко қорығының питомнигінің жұмысы арқылы алынды. Бұл бастама соңғы жылдары өрт салдарынан зардап шеккен өңірдің биоалуантүрлілігін қалпына келтірудегі елеулі қадам болып табылады.

Осы маңызды шараға топтың көптеген мүшелері қатысатын болғандықтан 24 мамырда Ыстамбұлда өтетін концертте Димаш пен оның командасына Патагония достары қауымдастығының Димаштың атына берілген сертификат пен Dears жұмысының толық сипаттамасы бар хатты табыстау жоспарлануда.