Түркістан облысынан Ақтауға Димаш Құдайберген және Қазақстан, Қытай, Қырғызстан, Италия, Сербия, Малайзия елдерінен жоба қатысушылары келді.

Түсірілім аясында спектакльдер Каспий теңізінің жағалауында, сондай-ақ Қазақстанның ең әсерлі табиғи көрікті жерлерінің бірі – Бозжыра шатқалында жоспарланған.

Маңғыстау облысында түсірілім кезеңін аяқтаған музыкалық шоуға қатысушылар шығармашылық сапарын Алматы мен Ақмола облыстарында және Алматы мен Астана қалаларында жалғастырады.

«Voice Beyond Horizon» музыкалық шоуын Димаш Құдайберген қытайлық Hunan Broadcasting System компаниясымен бірлесіп жүзеге асырып жатыр. Осы жобаның арқасында дүние жүзінен миллиондаған көрермен Қазақстанның әсем жерлерін тамашалай алады.

Жобаға Туризм және спорт, Мәдениет және ақпарат министрліктері, Kazakh Tourism ұлттық компаниясы, «Жолаушылар тасымалы» АҚ және облыс әкімдіктері ұйымдастырушылық қолдау көрсетті.