Димаштың алғашқы онлайн-концерті бис-те көрсетілгеннен кейін «Golden» сингліне арналған бейнебаянының ресми премьерасы TIXR стримингтік платформасында бірден көрермендер назарына ұсынылатын болады.

Бірнеше күн бұрын Димаштың ресми медиа-платформаларында 26 секундтық «Golden» тизербейнебаяны пайда болды. Әншінің, киберпанк стиліндегі сурет, арнайы эффектілер және сюжеттік желі жарияланған, жаңа форматта жасалған жұмысына барлығының қызығушылығын тудырды.

Бүгін музыкалық бейнебаянның премьерасы 31 қаңтарда Нұр-Сұлтан қ. уақыты бойынша 20:00-де DIMASHDIGITAL SHOW» онлайн-концертінің финалдық көрсетілімінен кейін бірден Tixr стримингтік платформасында қолжетімді болатыны белгілі болды.

16 қаңтарда «DIMASH DIGITAL SHOW» эфирге шықты. Әлемнің 100-ден астам елінде көрсетіліп, қазақстандық әртіс шығармашылығының мыңдаған жанкүйерлері пандемия басталғалы бері әншінің алғашқы жеке концертіне куә болды.

Концерт туралы жанкүйерлердің де, индустрия кәсіпқойларының да пікірлері оң болды: көрермендер Димаштың вокалдық қабілеті мен оның жаңа әндерін ғана емес, сонымен қатар шоу продюсерлеріне ұмытылмас және керемет әсер сыйлағандары үшін де алғыстарын білдірді.

Естеріңізге сала кетейік, 31 Қаңтарда «Post-Show Q&A session» билеттерін сатып алған жанкүйерлер Димашпен «Golden» бейнебаянының жаһандық премьерасынан кейін бірден сұхбаттаса алады.