Димаш Құдайбергеннің туған күні қарсаңында Астанадағы DQ Dears Astana жанкүйерлері мен Димаш Құдайбергеннің Еуразиялық фан-клубы және Dimash Ukraine Dears EFC «28 ілмек Астана» клубына 290 дана жүн жіп орамын табыстады.

«28 ілмек» клубы – Астана қаласындағы қолөнер шеберлерінен құралған ұйым, ол бірнеше жылдан бері аз салмақпен дүниеге келген жаңа туған нәрестелерге қолдау көрсетіп келеді.

Мұндай сәбилер үшін ерекше жағдай жасау аса маңызды екені белгілі. Алайда дене салмағының жеткіліксіздігі мен мерзімінен бұрын тууына байланысты олар дене температурасын өздігінен реттей алмайды.

Қамқорлық пен жылклыққа толы қолдармен тоқылған 100% жүннен жасалған жылы киім жиынтықтары сәбилердің өсуі мен дамуына ықпал етіп, олардың сауығу үдерісін жеделдетеді.

«Жылы бұйымдар, жұмсақ қолдар мен ыстық жүректер мүмкіндігінше көп сәбидің тезірек жетіліп кетуіне септігін тигізсін», – деген тілектерін білдірді Dears сыйлықты табыстау барысында.

Аталған акция сүйікті өнерпаздың туған күніне дейін жалғасады. Қазіргі уақытта «28 ілмек Астана» клубының шеберлері Димаштың атынан сәбилерге арналған мерекелік жиынтықтарды дайындауда.

«28 ілмек Астана» клубының қатысушылары ерекше ықыласпен жиналған материалдарды қабылдай отырып, өз әсерлерімен бөлісті:

«Жақсылықты жіп орамдарының санымен өлшеуге бола ма? Бақсақ, болады екен.

Бұл – терең символикалық мәнге ие…
Өнерпаз әлемге жарық, шынайылық, сүйіспеншілік пен ізгілік сыйласа, оның жанкүйерлері де сондай қасиеттерді бойына сіңіретіні сөзсіз.

290 орам жіп – бұл енді ғана басталатын жүздеген жылы сәттердің бастауы.

Жақын арада олардан шала туған сәбилерге арналған кішкентай шұлықтар, кеудешелер, бас киімдер мен көрпешелер тоқылады. Олар үшін жылу – өмір сүруге және күш жинауға үлкен мүмкіндік.

Кең жүректеріңіз үшін алғыс білдіреміз!
Жылуларыңызбен бөліскендеріңіз үшін рақмет.
Бұл игілік жақын арада басқалардың өмір сүруіне себеп болатыны сөзсіз.

Сүйікті өнерпазымызды туған күнімен құттықтаймыз!
Әлемді мейіріммен жылулыққа бөлеп жатқандарыңыз үшін алғыс айтамыз»