Димаш Құдайбергеннің чилилік жанкүйерлері Қазақстанның Тәуелсіздік күнін тойлауға жиналды. Олар ел Тәуелсіздігінің 33 жылдығына орай қазақтың әйгілі «Elim Menin» әнін орындап, әсерлі бейнебаян түсірді.

«Біз Қазақстанды жер шарының сонау оңтүстік қиырынан бүгінгі айтулы күнін ерекше ықыласпен өзіміздің орындауымыздағы ән арқылы құттықтағымыз келеді», — деп бөлісті Dears.

Шынайы дыбысқа қол жеткізу үшін жанкүйерлер фонетика бойынша Айнагүл Әденованың көмегіне жүгінді. Нәтижесінде Чили мен Қазақстан арасындағы жылы қарым-қатынасты айқын белгісі ретінде жарқын және шынайы қойылым болды.

Бейнежазбаға TVN ұлттық телеарнасының сахнасында танымал “My Name Is” (“Менің атым”) пародия шоуында өнер көрсеткен чилилік жас орындаушы Пабло Ромеро да қатысты. Пабло шығармашылығының шарықтау шегі болған Димаш образындағы S.O.S d’un terrien en détresse композициясын ұсынды.

Жобада музыкаға деген үлкен сүйіспеншілігінің арқасында қазақтың дәстүрлі аспабы домбырада ойнауды үйрене бастаған Димаштың жанкүйері Андреа есімді қатысушысы болды.