Димаш Құдайбергеннің 30 жылдығына орай Dimash Qudaibergen Paraguay клубының жанкүйерлері ауқымды қайырымдылық акция ұйымдастырды. Фан-клуб мүшелері көмекке мұқтаж жандарға жеке гигиенаға арналған құралдарын табыстап, қайырымдылық акциясына ерікті ретінде қатысты.

Шара барысында жиналған қаражат Парагвайдағы Oriones del Pequeño Cottolengo қорынан мүмкіндігі шектеулі балаларға, жастарға және ересектерге берілді. Бұл қайырымдылық шара көптеген музыка, театр және би өнерпаздарының басын қосып, олар да шараға белсене қатысты.

Жиналған барлық қаражат Димаш Құдайбергеннің атынан қорға аударылып, әншінің жанкүйерлері үшін бұл шараның маңызды екендігі тағы да дәлелденді.