Әлемдегі беделді «LOS40» радиостанциясының «Yo soy tu Fan» бағдарламасында Димаш Құдайбергенге арналған шығарылым жарық көрді. Бағдарламаның шақырылған қонақтары, Димаштың Эквадордан келген жанкүйерлері екі сағат бойы радио тыңдаушыларын қазақстандық әншімен және оның шығармашылығымен таныстырды.

«LOS40» — 1966 жылы Испанияда құрылған әйгілі радиостанция. Осы уақытқа дейін бұл радиостанция үлкен танымалдылыққа ие болып, бүгінде Аргентина, Чили, Колумбия, Коста-Рика, Эквадор, Испания, Гватемала, Мексика, Панама және Доминикан Республикасы сияқты елдерде хабар таратады. 2019 жылы Испания бойынша күнделікті радио тыңдаушыларының саны 2,8 миллионға жеткен болатын.

2024 жылдың 20 сәуірінде LOS40 арнасында Димаштың «When I’ve Got You», «The Story of One Sky», «SOS D’un Terrien En Détresse» және т.б әндері орындалды. Радио жүргізушісі Кэри Ариас әншінің өнеріне тамсанып, Эквадордан келген Dears тобын «Yo soy tu Fan» бағдарламасының келесі бөлімдеріне қатысуға шақырды.