28 сәуірде Димаштың Армениядағы алғашқы концерті қарсаңында әртістің жанкүйерлері Ереванда дәстүрлі кездесулерге жиналды. Dears фандомына тән пре-пати бірнеше жылдан бері әр түрлі елдердің әртістерінің жанкүйерлерін біріктіретін маңызды іс-шаралар болып табылады.

Ереванның орталығында, Мариотт-Армения қонақ үйіндегі Республика алаңында әлемнің 25-тен астам елінен Димаштың жанкүйерлері жиналды. Армяндық Dears ұсынатын кештің қонақжай жүргізушілері қазақстандық өнерпазды қабылдаған елдің талғамын көрсететін тамаша бағдарлама дайындады.

Кеш бойы керемет музыка шырқалды, қонақтар жаңа адамдармен танысып, ескі достарымен қуанышпен кездесті. Жиналғандарды жергілікті аспаздар дайындаған ұлттық тағамдар, естелік сыйлықтар және, әрине, музыкалық бағдарлама күтіп тұрды.

Осы кеште қонақтарды Армения мәдениетіне тән ерекше аспаппен Кристина Аветисян таныстырды. 

Әнші Марина Давтян ұлттық армян әнін дудуктың сүйемелдеуімен орындады. Дудук- нәзік, әуезді дыбысы бар ежелгі армян тектес үрмелі музыкалық аспап.

Дәстүрлі костюмдердегі әншілерден, бишілерден және музыканттардан тұратын «Масунк» фольклорлық тобы Арменияның бай музыкалық дәстүрлерімен толтырылған бірнеше керемет нөмірлерді ұсынды. Екі би интерактивті сипатта болды және қлйылымға қатысқан Dears тіпті кәсіби бишілерді таланттары мен темпераменті арқылы тіпті кәсіби бишілерді де таң қалдырды.

Кеш соңында мереке қонақтары армяндық Dears және армян фан — клубының қолдан жасалған сыйлықтар ұтысына қатысты. 

Дәстүрлі пре-патиге жиналған әртістің барлық жанкүйерлері іс — шараға-Карен Демирчян атындағы спорттық-концерттік кешенде бүгін өтетін Димаштың «Stranger» жеке концертіне үлкен қуат алды.