Димаштың Мексикадағы фан-клубы үшінші жыл қатарынан 30 жылдығын тойлап жатқан жаһандық “Ойыншықтар мерекесі” фестивалімен бірігіп жұмыс атқаруда. Бұл ауқымды қайырымдылық жобасы әлемдегі ең үлкен ойыншықтарды жинау шарасына айналды. Оның басты мақсаты – Мексика мен Латын Америкадағы аз қамтылған отбасы балаларына қуаныш сыйлау болатын.

Биыл да дәл бұрынғыдай жоба аясында Димаш Құдайбергеннің атынан көптеген ойыншықтар сыйға тартылды. 6 қаңтарда, Үш патша атты мереке қарсаңында сыйлықтар өздерінің кішкентай адресаттарын тауып, риясыз көмектің маңыздылығын тағы да еске салды.

“Ойыншықтар мерекесі” атты фестиваль риясыз көңілмен балаларға қуаныш сыйлаған жүздеген адамдардың тарапынан ұйымдастырылды. Бұл жоба балаларға қуаныш сыйлап қана қоймай, оларды игі істерге шабыттандырады: мысалы, бір кездері ойыншық алған балалардың көбі кейін қайырымдылық шараларының қатысушылары мен ұйымдастырушыларына айналған да жағдайлар жиі кездеседі.

«Ойыншықтар фестивалі» жай ғана акция емес, бұл көмек қолын созуға құштар адамдарды біріктіріп, жасап жатқан істерін игі дәстүрге айналдырудың үлгісі. TV Azteca, Grupo Salinas және олардың серіктестері, соның ішінде ЮНИСЕФ-тің арқасында жыл сайын мыңдаған балаларға арманындағы сыйлықтар табысталады.