ҚАЗ 
RUS 
ENG 
10 тамыз күні облыс басшысы Оңдасын Оразалин Baqytty Bala балалар фестивалінің ұйымдастырушылары және қазылар алқасымен кездесті.
Оңдасын Оразалин пандемиялық жағдай болса да, санитарлық талаптарды сақтай отыра жобаны ұйымдастырып, жүзеге асырған топқа алғысын білдірді:
«Баршаңызды киелі Ақтөбе жерінде көргеніме өте қуаныштымын. Бұл керемет жоба 2018 жылы бастау алып, қазір халықаралық деңгейге дейін жетті. Өткен жылы әлемде болып жатырған коронавирус инфекциясына байланысты конкурсты өткізе алмадық. Бірақ биыл мүмкіндіктерді пайдалана отырып, тамаша дәстүрді жалғастырып, Baqytty Bala-ның үшінші маусымы болуы керек деп есептедік.»
Қазылар алқасының мүшесі Болгариядан келген Николай Текелиев байқау жоғарғы деңгейде ұйымдастырылғанына разылық білдіріп, жобаны жүзеге асырушылардың жұмысы оған «Витебскідегі Славян базарын» еске салғанын айтты:
«Мен үшін байқауды ұйымдастыру деңгейі маңызды. Өйткені бұл бірінші кезекте қатысушыларды қызықтырады. Baqytty Bala көптеген конкурстардан алдын-ала іріктеу арқылы ерекшеленеді. Байқауға талапты түсінетін балалар келеді, кешегі алғашқы кезеңнің өзінде қатысушылар кәсіби мамандардан кем түспеді. Мен байқауларды бір-бірімен салыстырғанды ұнатпаймын. Дегенмен кеше Болгариядағы және өзге де елдердегі достарыма байқау барысынан видео жібергенмін. Олар жоба «Славян базарының» деңгейінде деп бағалап жатыр. Әрине, салыстыруға болмайды, өйткені үлкен өнер фестивалі мен байқау екі бөлек. Дегенмен балалар байқауы үшін ұйымдастырушылар жоғары деңгейде дайныдалғанын айтқым келеді».
Өзбекстанның танымал әншісі Сильвия Андрианалариманга қазір қазылар алқасының мүшесі болғанымен, 2019 жылы Baqytty Bala-да байқауына қатысушының анасы ретінде келген. Николайдың сөзіне қосылып, жыл сайын фестивальдің ұйымдастырылуы деңгейі артып келе жатырғанын айтады.
Светлана Айтбаеваның айтуынша, Ақтөбеде өтіп жатырған BaqyttyBala байқауына әлемнің әр түпкірінен Димаштың жанкүйерлері келгеніне айтады. Пандемияға қарамастан, Түркия, Украина, Израиль және Польшадағы келген Dear-лар әншінің туған қаласына жас вокалистерді қолдау үшін келіпті.
Кездесу соңында Оңдасын Оразалин қазылар алқасының мүшелеріне сәттілік тіледі:
