ҚАЗ RUS ENG

ҚАЗ RUS ENG

Әлем Мәдениет Ақтөбеде “Baqytty Bala-2022” балалар вокалдық байқауы өтеді

Ақтөбеде “Baqytty Bala-2022” балалар вокалдық байқауы өтеді

Әлем Мәдениет Ақтөбеде “Baqytty Bala-2022” балалар вокалдық байқауы өтеді

Ақтөбеде “Baqytty Bala-2022” балалар вокалдық байқауы өтеді

2022 жылдың 9-14 тамыз аралығында  «Baqytty Вala-2022»  ашық балалар вокалдық фестиваль-байқауы өтеді. Әлемнің 8 елінен келген 10-16 жас аралығындағы  талантты 21 жасөспірім Ақтөбеде өнердің қара шаңырағы – «Өнер орталығында» Бас жүлде үшін сайысқа түседі.

«Baqytty Bala» – Ақтөбе облысының брендіне айналған ерекше жоба. Байқау 2018 жылы облысымызда «Балалар жылы» деп жариялауына орай тұңғыш рет  өткізілді және жалғасын тауып ұйымдастырылып келеді.

Биылғы жылы аталмыш байқау «Димаш-Әли» шығармашылық орталығы  және Ақтөбе облысы әкімдігінің қолдауымен, Ақтөбе облысының мәдениет, архивтер және құжаттама басқармасы, Ғ.Жұбанова атындағы облыстық филармониясының ұйымдастыруымен 9-14 тамыз аралығында «Өнер орталығы» концерт залында өтеді.

Іріктеу кезеңіне 200-ге жуық өтініш қабылданды.  Ресей, Өзбекстан, Түркия, Украина, Польша, Испания, Румыния, Әзірбайжан, Армения, Болгария, Африка мемлекеттерінен және еліміздің барлық қалаларынан сайысқа  қатысушы үміткерлердің өтініштері қабылданды. Қашықтықтан тыңдау нәтижесі бойынша 21 жеткіншек ақтық мәреге жолдама алды.

Жас өнерпаздардың өнерін мәдениет саласының белгілі өкілдері бағалайтын болады.

Асхат Маемиров – ҚР еңбек сіңірген қайраткері, PhD докторы, профессор, Нұр-Сұлтан қаласындағы музыкалық жас көрермен театрының директоры және көркемдік жетекшісі;

Марат Әйтімов – ҚР Еңбек сіңірген қайраткері, Ақтөбе облысының «Құрметті азаматы», ұстаз, Ғ.Жұбанова атындағы Ақтөбе облыстық филармониясының әншісі;

Қанат Айтбаев – ҚР еңбек сіңірген қайраткері, «DimashAli» шығармашылық орталығының жетекшісі;

Рухия Байдүкенова – «Шапағат» медалінің иегері, «Дарын» мемлекеттік жастар сыйлығының лауреаты, «Славян базары-2021» халықаралық өнер фестивалінің гран-при иегері, Р.Бағланова атындағы мемлекеттік «Қазақконцерт» концерттік ұйымының әншісі

Ернар Нұртазин – Халықаралық байқаулардың лауреаты, Нұр-Сұлтан қаласы әкімдігінің мемлекеттік академиялық филармониясының симфониялық оркестрінің Бас дирижеры.

Гала-концерт 13 тамыз сағат 19:30-да «Өнер орталығы»  концерт залында өтеді. Билеттерді Тикетон сайтынан немесе «Өнер орталығы» кассасынан сатып алуға болады.

Соңғы жаңалықтар

Димаштың жанкүйерлері Аргентина елінде 1000 ағаш отырғызды

Қараша айында Латын Америкасынан келген Димаш жанкүйерлері Аргентинада орманды қалпына келтіру науқанын сәтті аяқтады. Әлемнің түкпір-түкпірінен келген Dears-пен бірге...

Димаш BIZ BIRGEMIZ қайырымдылық фестивалінде өнер көрсетеді

14 желтоқсанда Астанада Балалар жылы аясында “BIZ BIRGEMIZ” кең ауқымды қайырымдылық фестивалі өтеді. Билет сатудан түскен барлық қаражат церебральды...

Испаниядан келген Dears Қостанай облысы өнер мектебінің оқушыларына музыкалық аспаптарды сыйға тартты

Испаниядан келген Димаш Құдайбергеннің жанкүйерлері Қостанай облысында қыркүйекте болған қатты өрт туралы хабардар болып, зардап шеккен отбасылардың балаларына көмек...

Чилиден келген Димаштың жанкүйерлері Қазақстан халқына куэка арнады

«Қазақстан, ержүрек халық» - осындай атаумен Чилиден келген Dears Қазақстан халқына өздерінің ұлттық биі куэканы арнады. Қазақ жазушысы Мұхтар...

Димаш TEDxGateway-те өнер көрсетті

18 қарашада Үндістанда, Мумбайда Димаш Құдайберген TEDxGateway конференциясында өнер көрсетті. Азиядағы ең ірі шаралардың бірінің сахнасында әртістің Golden, S.O.S...