Чилидегі «Hoy» радиостанциясы «Димаш, шекараны кесіп өткен дауыс» деп аталатын апталық сегіз подкаст сериясын үлкен табыспен аяқтады. Бұл подкасттарды әншінің әр түрлі жұп жанкүйерлері жүргізіп, Димашқа қатысты қызықты тақырыптарды қозғады. Бұл шығарылымдар радио тыңдаушыларына әр апта сайын жүргізушімен бір сағаттық белсенді әңгіме-дүкен құра отырып, қызықты да пайдалы хабарды тамашалауға мүмкіндік берді.

23 тамызда соңғы сегізінші подкаст эфирге шығады. «Бұл біз үшін өте пайдалы және шабытқа толы тәжірибе болды», – деп Чилидегі Димаш фан-клубының жетекшілері Элиза мен Жаннетт СанМартин Ревеко өз алған әсерлерімен бөлісті. Олардың 97 адамнан тұратын командасы Димаш пен оның музыкасы Чилиде де, одан тыс жерлерде де аудиториясы кеңейе түсу үшін аянбай еңбек етуде.

Сонымен қыркүйек айында «Hoy» радиосында тікелей эфирде Димаш туралы жаңа апталық бағдарлама басталады. Бағдарлама төрт ай бойы, қыркүйектен желтоқсанға дейін эфирге шығып, радио тыңдаушыларын әншінің шығармашылығымен және жеке өмірімен таныстырып отырады.