Қараша айында Чилидегі Буин мәдени орталығында қазақ мәдениетін насихаттауға арналған іс-шара өтті. Кеште көрермендерді Қазақстанның атмосферасына бөлеп, екі ел арасындағы достық қарым-қатынасты нығайту мақсатында би биленіп, ән айтылып, поэзия оқылды.

Іс-шара маэстро Марат Айтимов, бэк-вокалист Расул Усманов, домбырашылар Ернат пен Темірлан жазған Чилиге арналған бейне-сәлемдесуден басталды. Сондай-ақ, сахнада Қазақстан Елшісі Болат Нүсіповтың Чилилік Dears үшін жазған хаты оқылып, кешке ерекше көңіл-күй сыйлады.

Іс-шарада әртістер, бишілер мен музыканттар өнер көрсетті. Тоғыз жасар Максимо Леон Димаштың итальян тіліндегі «Adagio» және қазақ тіліндегі «Unforgettable Day» композицияларын орындап, көрермендерді өзіне баурап алды.

Пабло Ромероның қойылымдары ерекше назар аударарлық болды. Ол өз шоуын керемет туынды «Daididau» әнімен аяқтады. Әншінің әндеріне қазақша костюм киген үш қатысушы би билесе, Кирия Домингес Димаштың бірнеше шығармаларын саксофонда шебер орындады.

Кештің шарықтау шегі Чили мен Қазақстан арасында мәдени көпірі ретінде «A flor de piel» би ұжымының қазақстандық әншіге арналған мәтіндермен Чилидің ұлттық биі – куекидің түрлі стильдерінде би қойылымдарын қойды. Сондай-ақ, Димаштың чилилік фан-клубындағы Dears көрермендеріне «When I’ ve Got You» және «Daididau» әндеріне орындалған хореографиясын ұсынды.

«Мен ұйымдастырушылар Клаудия Лобос пен Кармен Сандовалға, сондай-ақ осы керемет кеш үшін барлық Dears-ке жеке алғыс айтқым келеді. Мен біздің мәдениетімізге деген мұндай терең қызығушылықты күткен жоқпын. Бұл кеш барлығымыз үшін өте тамаша көңіл—күй сыйлады», — деп Сантьягода тұратын қазақстандық Шарапия Кәкімова өз әсерімен бөлісті.

Ұйымдастырушылар олардың басты мақсаты Қазақстанмен достықты нығайту және Буин тұрғындарын еліміздің мәдениеті мен өнерімен таныстыру екенін атап өтті.