Росарио қаласында Қазақстанның дәстүрлі киімдеріне арналған «Дала қазынасы» көрмесінің ашылу салтанаты өтті. Іс-шара 5 желтоқсанда Қазақстан Тәуелсіздігінің 33 жылдығына арналған «Росарио-Алматы: бауырлас қалалар» жобасының аясында Мәдени университет кеңістігінде (ECU) өтті.

Ашылу рәсіміне Қазақстанның Елшісі Ирина Вагнер мен құрметті консул Густаво Гутьеррес қатысып, мәдени алмасудың маңыздылығын атап өтті. Аргентиналық дизайнер Лола Монтероның қазақ мәдениетінің элементтерінен шабыт алған жоғары сападағы сән топтамасына ерекше назар аударылды.

Негізгі шарада көрме залында Қазақстанның төл дәстүрлі киімдерімен таныстырылды. Елші Ирина Вагнер өз эмоцияларымен: «Біз «Ұлы дала қазынасын» ұсынып жатқанымызға ерекше ризамыз. Сондай-ақ, мәдениетіміздің әсемдігі мен тереңдігі қонақтарды тамсандырып жатқанына қуаныштымыз»,- деп бөлісті.

Сонымен қатар, Ирина Вагнер Қазақстанның нағыз мәдени елшісі деп атаған қазақстандық әнші Димаш Құдайбергенге: «Димаштың арқасында әлемдегі көптеген адамдар арасында көзге көрінбейтін байланыс орнады», — деп ризашылығын білдірді.

Қазақтың Ұлттық аспабы домбырамен толықтырылған көрме келушілерді қазақ мәдениетінің тынысына қанықтырды. Ашылудағы музыкалық және би қойылымдары қазақ пен аргентиналық дәстүрлерді, соның ішінде аргентинаның әйгілі танго биін байланыстыра отырып, мерекенің бояуын одан әрі қанықтыра түсті.

Росарио тұрғындарына Қазақстанның мәдени мұрасымен танысуға және елдер арасындағы мәдени байланысты нығайтуға бірегей мүмкіндік беретін бұл көрме 12 желтоқсанға дейін жұмыс істейді.