26 шілдеде Қытайдың HUNAN TV телеарнасының эфирінде «I am a Singer 2024» шоуының финалы өтті. Жаңа маусымда шоуды әйгілі қытайлық және басқа елдерден шақырылған әйгілі вокалистер басқарады.

Жобаның финалдық кезеңінде жеті қатысушыны қолдауға арнайы қонақтар келді. Димаш Құдайберген қазіргі заманғы R&B және джаз кроссоверімен байланысты америкалық әнші және актриса Шанте Мурмен дуэт болып өнер көрсетті. Көрермендер әртістер арасындағы шығармашылық байланысты сезініп, сахнадағы абсолютті өнердің шыңын яғни Димаш пен Шантенің американдық әнші және композитор Тедди Свимстің «Lose control» хитін орындағанын тамашалады.

Димаш 2017 жылғы шығармашылық жолында үлкен рөл атқарған «I am a Singer» сахнасына жеті жылдан кейін қайта оралды. Қазақстандық әртіс бұған дейін 2018 жылғы жобаның шақырылған қонағы ретінде Лионель Ричидің «Hello» әнімен өнер көрсетсе, 2019 жылғы шоуда Queen әнін Super Vocal тобының жігіттерімен бірге орындаған болатын.

«I am a Singer 2024» бағдарламасының көрсетілімі басталмас бұрын Димаш: «Жобаны ұйымдастырушыларға шын жүректен алғыс айтқым келеді. Сондай-ақ, мені жыл сайын қонақ ретінде шақырып, құрмет көрсетіп жатқандарыңыз үшін де көптен көп рахмет айтамын. Бұл сахнада өнер көрсету мен үшін үлкен мәртебе»,- деп өз ризашылығын білдірді.