20 қарашада Венгрия Премьер-министрі Виктор Орбанның кеңсесі орналасқан ғимаратта Қазақстан Президентінің мемлекеттік сапары құрметіне салтанатты қабылдау өтті.

Шараға ел делегациясы құрамынан барған Қазақстан Республикасының халық әртісі Димаш Құдайберген қатысты.

Венгрия премьер-министрі Виктор Орбан өзінің ресми парақшасында Димаш пен Қасым-Жомарт Тоқаевпен кездескен суретін жариялап, әнші туралы «Будапешттегі әлемге әйгілі қазақ жұлдызы» («A world-renowned Kazakh star in Budapest») деп жазды.

Димаш Құдайберген еліміздің мәдениет елшісі ретінде құрметті қонақтарға қазақтың халық әні «Самалтауды» ұсынса, композитор Игорь Крутойдың «Аве Мария» вокалын орындау арқылы музыканың адамзатты қалай біріктіретінін сөзсіз көрсетті.