ҚАЗ RUS ENG

ҚАЗ RUS ENG

Dears Димаштың әндері Болгарияның ұлттық радиосында шырқалды

Димаштың әндері Болгарияның ұлттық радиосында шырқалды

Dears Димаштың әндері Болгарияның ұлттық радиосында шырқалды

Димаштың әндері Болгарияның ұлттық радиосында шырқалды

Өткен жұмада болгар ұлттық радиосында (БҰР) Димаш Құдайбергенге арналған бағдарлама жарық көрді. Оның эфирінде қазақстандық орындаушының «Your Love» және «Аманат» атты екі әні шырқалды.

17 сәуірде болгар ұлттық радиосының эфирінде алғаш рет Димаш Құдайбергенге арналған «Түнгі көкжиек» бағдарламасы жарық көрді. Эфирдің басты тақырыптарының бірі «Қазақстандық әншіні тыңдау үшін неге болгарлар мыңдаған шақырымдарға ұшады?»

Журналист Станислав Пирчевтің сұрақтарына «Dimash Kudaibergen Fan Club Bulgaria» фан-клубының мүшелері жауап берді. Радиожүргізушіні Димаштың өмірлік философиясы мен адами құндылықтары қызықтырды.

Фан-клубтың негізін қалаушы, доктор Ралица Димитрова:

«Димаш – ерекше вокалдық диапазоны мен ерекше мінезі бар бірегей музыкант. Өзінің музыкасы арқылы ол жан тебірентерлік оқиғаларды жеткізеді. Әннің сөзін түсінбесеңіз де, сіз әншінің эмоцияларының арқасында әнде не айтылып жатқанын сезіне аласыз».

Эфир барысында Ралица Қазақстан мен Болгарияның тарихы, дәстүрлері мен мәдениетіндегі ортақ тұстарын, сондай-ақ қазақ домбырасы мен болгар тамбурасының ұқсастығын атап өтті.

Ол 2018 жылы болгарлық фан-клуб Димашқа қолдан жасалған тамбурды сыйға тартқанын айтты. Аспапты ең танымал болгарлық лютьер (ішекті музыкалық аспаптардың шебері) Светлин Митев жасаған, оның атасы «Филип Кутев» ұлттық фольклорлық ансамбліне арналған аспаптарды жасаған шебер болған.

Ралица қазақ халқының қонақжайлылығына, Димаштың патриотизміне және оның отбасына деген керемет сүйіспеншілігіне ерекше назар аударды.

Бағдарлама жүргізушілері Димаштың қатарынан алтыншы аптада «MTV’ s Friday Livestream» апталық чартының көш басында тұрғанын, сондай-ақ болгар фан-клубының қызметіне қызығушылық танытқанын атап өтті.

Екінші әкімші Петя Иванов олардың фан-клубы Димашқа байланысты ай сайын іс-шаралар өткізіп тұратынын айтты. Мәселен, осы аптада Қазақстанның Болгариядағы Елшілігі мен Сыртқы істер министрлігі жанындағы мемлекеттік мәдениет институты ұйымдастырған Қазақстан Тәуелсіздігінің 30 жылдығына арналған көрме аяқталды. Қазақстанның Болгариядағы елшілігі болгарлық Dears-ті іс-шараға қатысуға шақырды.

Ресми қонақтар арасында Сербия Елшісі Желко Йович, Палестина елшісі Ахмед Аль Мадбух, Ресей Федерациясы елшілігінің екінші хатшысы Максим Петров, Беларусь Елшілігінің кеңесшісі Николай Поздняк, Болгар телеграф агенттігінің бас директоры Кирилл Валчев және Софиядағы Мәскеу үйінің директоры Борис Громов іс-шараның арнайы қонақтары болды.

Қазақстан елшісі Теміртай Ізбастин Димаштың болгарлық фан-клубына қонақтарға өзінің сүйікті орындаушысы туралы айтып беруге мүмкіндік берді. Dears өз сөзінде Димаштың арқасында Қазақстанның мәдениеті және тарихымен танысқанын және екі елдің тамаша қарым-қатынаста болғанын мақтан тұтатынын атап өтті.

«Біздің фан-клубымыз – Димаштың бүкіл әлем бойынша 120-дан астам фан-клубтарының ішіндегі ең белсенділерінің бірі. Біздің үлкен Dears фандомында жылы, достық атмосфера бар, тілдік кедергілер мен шекаралар жоқ. Жанкүйерлер бір-бірімен тез достасып кетеді және ортақ мақсат үшін жиналады. Көптеген фан-клубтар Димаштың қайырымдылықпен жиі айналысатынын үлгі ете отыра олар да қайырымдылық акцияларын ұйымдастыра бастады», – деп бөлісті бағдарламада Петя Иванов.

Соңғы жаңалықтар

Уругвайдағы Димаштың жанкүйерлері балалар мен әлеуметтік тұрғыдан осал отбасыларға қолдау көрсету мақсатында екі түрлі қайырымдылық шара ұйымдастырды

Димаш Құдайбергеннің Уругвайдағы фан-клубы балаларға және әлеуметтік тұрғыдан осал жандарға көмек көрсетуге бағытталған бірқатар қайырымдылық іс-шаралар өткізді. Бұл бастамалар...

Димаштың портреттеріне арналған Берлиндегі көрме «Сәби» қоры үшін 1000 еуродан астам қаражат жинады

Берлинде өткен Димаш Құдайбергенге арналған жеке көрме Қазақстанның «Сәби» қайырымдылық қорына 1000 еуродан астам қаражат түсірді. DimashNews редакциясы көрме...

Димаштың мексикалық жанкүйерлері су тасқынынан зардап шекккен Веракрус тұрғындары мен Халықаралық көші-қон ұйымына қолдау көрсетті

15 қараша күні Димаш Құдайбергеннің мексикалық жанкүйерлері қайырымдылық мақсатында қаржы жинау акциясын өткізіп, оның нәтижесінде 8 400 мексикалық песо...

Димаш Құдайберген Берлин телеарнасына сұхбат берді

14 қарашада Берлиндегі жеке концерті аяқталғаннан кейін Димаш Құдайберген TV Berlin телеарнасына сұхбат берді. Осы ғаламат концерт үшін мың алғыс....

Димаш Құдайберген Мысырдағы концертінің алдында сұхбат берді

30 қарашада Гиза қаласында өтетін «The Pyramids Echo» фестивалі аясында Димаш Құдайберген екі сағаттық жеке концерт қояды. Мысырдағы жаңа...