Манхэттеннің қақ ортасында Қазақстан Республикасы күніне орай Қазақстанның туын көкке көтеру салтанатты рәсімі өтті. Іс-шараға Димаш Құдайбергеннің жанкүйерлерімен қоса басқа да қоғамдастық өкілдері шақырылды.

Қонақтар арасында Нью-Йорк қалалық әкімдігінің өкілдері, халықаралық дипломаттар мен қазақ диаспорасы және Қазақстанның БҰҰ жанындағы Тұрақты Өкілдігі де болды. Іс-шараның ерекше қонағы – Қазақстанның Нью-Йорктегі Бас консулы Рауан Тілеулин болды. Ол Қазақстан мен АҚШ арасындағы мәдени және достық байланыстардың маңыздылығын атап өтіп, Нью-Йоркте Димаштың концертін өткізуге қызығушылық білдірді.

Қонақтарды қатысушылар дәстүрлі қазақ киімдерімен қарсы алса, Нью-Йорктегі Димаштың жанкүйері Норико Брунель ерекше ықыласпен дайындаған қазақ туының үлгісімен безендірілген бәліштерін ұсынды. Іс-шара барысында Нью-Йорк мэрі Эрик Адамс құттықтау сөз сөйлеп, Қазақстан мен АҚШ арасындағы нығайып келе жатқан қарым-қатынастың маңыздылығын атап өтті.

Сондай-ақ, іс-шараға АҚШ-тық Dears қатысты. Димаштың жанкүйерлерінің бірі Таня Янг қазақстандық телеарнаға берген сұхбатында қазақстандық әртістің шығармашылығынмен алғаш танысқан 2018 жылы бастап Қазақстанда үш рет болып, қазақтың бай мәдениеті, дәстүрлері мен қонақжайлылына тамсанғанын айтады. «Қазақстанға жасаған әрбір сапарым жүрегімде ерекше орын алады», – дейді Таня Янг.

Димаштың тағы бір жанкүйері Лори Грабовски жақында Астанаға жасаған сапары: STRANGER әлемдік туры аясында әншінің концертіне алғаш рет қатысқаны туралы айтып берді. Енді ол келесі айдағы Прага мен Дюссельдорфта өтетін әншінің алдағы қойылымдарын асыға күтуде. Нью-Йорктегі салтанатты жиында басқа жанкүйерлермен бірге ол да Dears-тің елдер арасындағы мәдени алмасудың өкілі ретінде құрметті қонақ болды.