Өткен жұмада Мексикалық Dears барлық балалар сүйіп, асыға күтетін Үш Патша күні мерекесіне орай кезекті қайырымдылық акциясын өткізді. Димаштың жанкүйерлері еліміздің түкпір-түкпірінен келген мұқтаж отбасыларға берілетін ойыншықтарды сыйға тартты.

Еске сала кетейік, Мексиканың атақты ұлттық телеарнасы TV Azteca ұйымдастырған El Juguetón («Ойыншылдық») қайырымдылық акциясына мексикалық Dears-тың екінші рет қатысулары.

El Juguetón жобасы — Үш Патша күніне орай балаларға ойыншықтарды сыйға тарту және жинау бойынша әлемдегі ең үлкен науқан. Тіпті, мексикалық балалар бұл мерекені Рождестводан да артық көріп күтеді.

Бұл қайырымдылық акциясы 1994 жылы «TV Azteca» телеарнасының атақты мексикалық журналисі Хорхе Гарральда екі апалы-сіңлі Эстер мен Либертадтан хат алған күннен бастау алды. Қыздар жазған хатында Үш патша күні мерекесінде отбасындағы материалдық жағдайдың қиындығына байланысты ойыншықтары мүлде болмайтыны туралы айтқан еді.

Содан бастап Хорхе Гарральда ешқандай балалардың сүйікті мерекесінде сыйлықсыз қалмауы үшін «El Juguetón» жобасын жасады. Бұл қайырымдылық науқаны жыл сайын желтоқсан айының басында өткізіледі және оған кез келген адам қатыса алады. Бүгінде бұл науқан Мексикада ғана емес, сондай-ақ, АҚШ, Эквадор, Гондурас және Сальвадорда да өткізілуде