ҚАЗ RUS ENG

ҚАЗ RUS ENG

Әлем Қазақстан азаматтары қандай елдердің киімін киіп жүр?

Қазақстан азаматтары қандай елдердің киімін киіп жүр?

DimashNews Baribar.kz әріптесінің мақалаcымен бөлісуде.

Қазақстанда киім-кешек өндірісі арта түскенімен жергілікті жеңіл өнеркәсіп ішкі нарық сұранысын түгел өтей алмай келеді. Азаматтар Ресей, Қытай мен Түркиядан келетін өнімді көбірек киеді.

Қазақстанда былтыр 42,34 миллиард теңгенің киім-кешегі өндірілген, бұл 2018 жылдың 12 айымен салыстырғанда 19,8% көп (35,34 миллиард теңге). Инфляцияны ескергенде өнеркәсіп өндірісінің нақты өсімі 8,2% болды.

Energyprom.kz мамандарының хабарлауынша, киім-кешекті негізінен үш өңір өндіреді: Алматы облысында былтыр 9,51 миллиард теңгенің өнімі өндірілген, 2018 жылы өндіріс 6,07 миллиард теңге болған, Алматыда 6,08 миллиард теңгенің киім-кешегі шығарылған, бір жыл бұрын көрсеткіш 5,56 миллиард теңге болды. Киім-кешек өндіретін үшінші ірі өңір – Шымкент, былтыр 4,76 миллиард теңгенің өнімі өндірілді, жергілікті кәсіпорындар 2018 жылы 3,73 миллиард теңгенің киім-кешегін өндірген.

Алматы облысына Қазақстанда 2019 жылы шығарылған киім-кешектің 22,5%-і, Алматыға 14,4%-і, Шымкентке 11,2%-і тиесілі.

Киім-кешектің ішінде трикотаж бұйымдар 2018 жылғыдан 85%, шұлық 43,6%, баскиім 36,9%, жануар терісінен жасалған киім 27,2%, свитер-жемпір және басқа да киім 21,2% көп өндірілген.

Елімізде киім-кешек өндірісі артқанымен ішкі нарықта отандық өнімге деген сұраныс өте аз. 2019 жылдың 11 айында сыртқы киім бойынша нарық сұранысының 1,9%-ін, ішкиім бойынша 1,1%-ін, сәбилер киімі бойынша 0,4%-ін, свитер-жемпір бойынша 2,1%-ін ғана Қазақстан компаниялары өтеген. Қазақстан кәсіпорындары өндіретін шұлық қана өтімдірек – былтыр 9% сұраныс болған.

2019 жылы қаңтар-қараша аралығында Қазақстанға 576,1 миллион доллардың (55,4 мың тонна) киім-кешегі импортталды. Сома бойынша бұл 2018 жылдың 11 айындағыдан 17,8%, киім-кешек салмағы бойынша 59,5% көп.

Қазақстанға киім-кешек Ресей мен Өзбекстаннан, Қытайдан, Түркия мен Бангладештен көп келеді.

Energyprom.kz зерттеушілерінің мәліметінше, 2019 жылы елімізде киім-кешек бағасы 7,1% өскен. Ерлер киімі 7,3%, әйелдер киімі 6,7%, балалар киімі 7,6% қымбаттады.

Соңғы жаңалықтар

«Кеме жүзеді»: қазіргі авторлар суретшінің қоғамдағы рөлін ашады

2 желтоқсанда Алматыдағы Aspan Gallery-де Орталық Азиядағы заманауи өнердің негізін қалаушылардың ұжымдық көрмесі өтеді. Суретшілер өз жұмыстары арқылы қоғамдағы...

Димаш және Еуразиялық фан-клуб Dear-лары туралы сайт

Димаштың шығармашылығымен алғаш танысқан dear-лар бірнеше ай бойы ол туралы ақпаратты іздеуге кірісіп кететінін айтады. Іздеу жүйесіне "Димаш" деп...

«Сенің дарының менің жан дүниемді тебірентті»

Димаш Құдайберген балалар Евроведениесінің алдында Қарақат Башановамен кездесті. Бұған дейін біз балалар евровидениесі – 2020 байқауында Қазақстанның атынан Қарақат Башанованың...

Қарақат Башанова: «Ән арқылы әкемнің есімін тарихта қалдырғым келеді»

Осы жексенбіде Junior Eurovision халықаралық ән байқауы өтеді. Қазақстан атынан сүйкімді Қарақат Башанова қатысады. Жас өнерпаз DimashNews редакциясына байқауға...

Оқи отырыңыз
Сізге ұсынылған