31 желтоқсан күні Нью-Йорк қаласының қақ орталығында орналасқан Times Square алаңында Димаш Құдайбергеннің бейнесі бар бейнеролик көрсетілді. Жаңа жыл түні әлемнің түкпір-түкпірінен жиналатын ондаған мың адам шоғырланатын алаңда қазақстандық өнер иесінің бейнесінің пайда болды.

Аталған бастаманы Димаштың Нью-Йорк пен АҚШ-тың өзге қалаларындағы Dears қауымдастығы жүзеге асырды. Отыздан астам жанкүйер бірлесіп, жаңа жылдық мерекелер қарсаңы түні экранда бейнеролик көрсету ісін ұйымдастырды.

Ұйымдастырушылардың мәліметінше, Димаш Құдайберген қатысқан бейнеролик әр 30 минут сайын көрсетіліп, 31 желтоқсан тәулігі ішінде барлығы 44 рет экранға шыққан. Әр көрсетілімнің ұзақтығы 30 секундты құрады. Экран Times Square алаңындағы ең танымал нысандардың бірі — Coca-Cola билбордына қарама-қарсы бағытта орналасқан.

Сол күні Times Square алаңындағы New Year’s Eve ресми мерекелік аймағында шамамен 120 мың адам жиналған. Көптеген көрермендер дәстүрлі жаңа жылдық шардың түсу сәтін (ball drop) көру үшін орындарын 8 сағаттан астам уақыт бұрын иеленген. Осындай ауқымды мерекелік шара аясында Димаш Құдайберген бейнесінің экранда көрсетілуі ерекше символдық әрі көзге бірден түсетін ерекше тарихи оқиғаға айналды.