2024 жылдың 12 және 13 сәуірінде Димаштың жапондық жанкүйерлері Қазақстан құрамасына қолдау көрсету үшін Токиодағы теннис матчында кездесті. “Билли Жан Кинг кубогы” – жыл сайын әлемнің түкпір-түкпірінен ттеннисшілер қатысатын әйелдер арасындағы ең ірі спорттық жарыс.

Биыл матч Қазақстан мен Жапония құрамалары арасында өтті. Қазақстандық теннисшілер Юлия Путинцева, Жібек Құламбаева, Аружан Сағандықова, Анна Данилина, Зарина Дияс пен жапон спортшылары Нао Хибино, Май Хонтама, Наоми Осака, Эна Шибахара, Шуко Аоямамен сайысқа түсті.

Өткен айда жапондық Dears, Чили мен Аргентинада латынамерикалық жанкүйерлерімен бірге Қазақстан құрамасын белсенді қолдаған Димаштың жанкүйері Кармен Сандовалдан хат алды. Кармен жапон фан-клубына бүкіл халықаралық Dears қауымдастығы атынан қазақстандық спортшыларға қолдау көрсетуді жалғастыра беру үшін эстафета жолдаған.

«Біз Қазақстанды жақсы көреміз», — деп Димаштың жанкүйерлері өз сезімдерін білдірді. «Қазақстан командасына басқа қазақстандық жанкүйерлермен бірге қолдау көрсету біз үшін қызықты әрі бізді ерекше шабыттандырды.

Билли Жан Кинг кубогы Жапония теннисінің киелі саналатын Токиодағы Ariake Coliseum-да өтті. Біз Қазақстан құрамасын қолдауға шақырту алғанымыз үшін қуаныштымызда шек жоқ. Барлық Dears Қазақстан туының түсіне сәйкес келетін жейделерді киіп, әнұранды шырқады. Сүйікті Димаштың жерлестерін қолдауға бәріміз жиналдық. Қазақстандықтар «DQ» жазуы мен қолымызға ұстаған шарларды көргенде, жапондықтардың бұл матчқа Қазақстанды қолдау үшін келгенін бірден түсініп, бізге ризашылықтарын білдірді. Алға Қазақстан!»