ҚАЗ RUS ENG

ҚАЗ RUS ENG

Әлем Абай романстарын алашқа таныту қажет

Абай романстарын алашқа таныту қажет

Әлем Абай романстарын алашқа таныту қажет

Абай романстарын алашқа таныту қажет

Қазақ ұлтының кемеңгер ақыны, ойшыл қаламгері Абай Құнанбайұлының өлеңдеріне жазылған романстар бар. Ал бұл жаңалық біреуге мәлім болғанымен, біреуге таңсық болуы мүмкін. Өйткені, музыкалық, шығармашылық ортада ғана белгілі ол шығармалар нотаға түсіріліп, Қазақстан Композиторлар одағында тіркелгенімен, осы күнге дейін үлкен сахналарда орындалмаған.

«Жарқ етпес қара көңілім» романсы «Абай жолы» шығармасындағы Абай мен Тоғжанның соңғы кездесуін көз алдымызға келтірді». Бұл – композитор Сыдық Мұхамеджановтың тырнақалды туындысына бұлбұл әнші Күләш Байсейітованың берген бағасы. Абайдың ішкі толғанысын дәлме-дәл суреттеген кең тынысты романс Ермек Серкебаевтың орындауымен музыка тарихынан ойып тұрып орын алған.

Десе де, ойшыл ақынның сыршыл сезімге толы лирикалық өлеңдеріне жазылған өзге де классикалық шығармалардың бар екенінен көпшілік бейхабар. Хакімнің өлеңіне жазылған белгілі композитор Әбілахат Еспаевтың «Мен сәлем жазамын…» романсын кәсіби музыканттар ғана білуі мүмкін. Нотасы түсірілген туындыны таза табиғи дауыста орындаған Абай атындағы опера және балет театрының солисі Болат Бөкенов: «Абайдың бұл романстары үлкен сахналарда орындалуы тиіс», деген пікірде.

Өкініштісі, осындай құнды дүниелер әзірге абайтанушылардың назарынан тыс қалып тұр. «Ұлы ақынның өлеңдерінде ән қандай болу қажеттігі жан-жақты жеткізілген. Ең басты айтатыны сол – Абайдың әні ойлы, есті болу керек. Яғни, Абайдың түсінігінде ән адамға ой салуы керек, ол терең мазмұнды болғаны жөн. Міне, осы орайда, егер Абай айтқан ән моделін, «құлақтан кіріп, бойды алатын» үздік ән үлгісін көбірек насихаттасақ, әрине біздің қоғамымыздың музыкаға деген көзқарасы басқаша болар ма еді?!», дейді Абайдың музыкасын зерттеуші Әлия Сабырова.

Енді композитор Мәкәлім Қойшыбаев жазған «Құйқылжыр көңіл құсы шартарапқа» атты Абайдың тағы бір романсына назар аударып көрелік. Бір қызығы, бұл шығарма туралы музыкатанушылар ешқандай тұщымды пікір білдірмеген. Ғаламторда да жарытымды мәлімет жоқ. Десе де, ақынның көбесі сөгілмеген мұраларының қатарын толықтырып тұрған бұл туынды ақынның 175 жылдық мерейтойында халқымен қауышса деген игі тілек бар кеудеде.

 

Соңғы жаңалықтар

Асқар Ілиясов ШЫҰ кинофестивалінде «Үздік ер адам рөлі» номинациясында жеңіске жетті

Бүгін Мумбайда, Үндістанда Шанхай Ынтымақтастық Ұйымының кинофестивалі аяқталды. «Үздік ер адам рөлі» санатында «Паралимпиец» фильмінде басты рөлді сомдаған қазақстандық...

Димаш ШЫҰ елдері кинофестивалінің қазылар алқасы құрамында жұмысқа кірісті

27 қаңтарда Ұлттық орындаушылық өнер орталығының Джамшед Бхабхи театрында кинофестивальдің ашылуы өтті. Димаш Құдайберген қазылар алқасының құрамында салтанатты ашылу...

Антальяда алғаш рет «Stranger» туры аясында Димаштың ауқымды шоуы өтеді

«DimashAli» шығармашылық орталығы 2023 жылғы 6 мамырда Түркияның Анталья қаласындағы Ақдениз университетінің көпфункционалды стадионында өтетін Димаш Құдайбергеннің жеке концерті...

Димаштың Мексикалық жанкүйерлері Үш патша мерекесіне орай балаларға ойыншықтар сыйға тартты

5 қаңтарда Мексикадан келген Dears «El Juguetón» («Ойыншылық») қайырымдылық жобасы аясында мұқтаж отбасылардың балаларына ойыншықтар сыйға тартты. Ойыншықтар елдің...

Димаштың «Stranger» шоуы Армениядағы ең ірі концерттік кешендердің бірінде өтеді

2023 жылдың 29 сәуірінде Арменияда Димаш Құдайбергеннің жеке концерті өтеді. Жаңа ауқымды шоу Карен Демирчян атындағы спорттық-концерттік кешенде өтеді. Карен...