Ақтөбедегі «Green Land» демалыс саябағы Baqytty Bala фестивальі кезінде құдды концерт залына айналғандай болады. Кешкі ас кезінде конкурс қатысушылары Димаштың ең танымал туындысы «Любовь уставших лебедей» әнін хормен орындады.

9 тамыз күні Baqytty Bala конкурсының бірінші туры аяқталды. Ақтөбедегі «Өнер орталығы» концерт залында ерекше атмосфера орнады. Әр орындаушы сахнаға сенімділікпен шығып, өз шеберлігін паш етті.

Олардың өнерін сынға салатын қазылар алқасы бұл маусымдағы конкурсаттардың осал емес екенін айтады. Сондықтан баға беру де, іріктеу де оңай болмайын деп тұр.

Байқаудың алғашқы күні қатысушыларға тосын сый жасап, Димаш Құдайбергеннің өзі де келді. Ол қазылар алқасының пікірлерін қолдап, сахнаға шыққандарға дем беріп отырды. Әр орындушыға “Жарайсың” деп жігерлендіріп, қуаныш сыйлады.

Фестивальдің алғашқы күнінен соң балалардың көңілдер көтеріліп,кешкі ас Димаштың әндерін хормен шырқады. Олардың қосыла шырқаған «Любовь уставших лебедей» әні Ақтөбе аспанында әуеледі.

Байқауға келсе де уақыттарын қобалжумен емес көңілді сәттермен өткізіп жүрген әр қатысушы екінші турға дайын. Бүгінгі кезеңде олардың әрқайсысы бар өнерін ортаға салуға дайын.