Ол – Нұр-Сұлтан қаласының 12 жастағы кішкентай әншісі Адель Кұнәділова. Ол ойламаған жерден Baqytty Bala-2021 байқауының арнайы сыйлығына ие болды.

Жас өнерпаз Димаш Құдайбергеннің жеке концертіне арнайы шақырту алды. Шақырту ғана емес әлем мойындаған Димаш Құдайбергенмен бір сахнада тұрып ән салу мүмкіндігіне ие болды.

Адельдің өнерін тамашалағандар, оның бұл марапатқа лайық екенін сөзсіз құптап отыр. Қазылар алқасымен бірге көрермендерде оның сахнаға шыққан кездегі энергеткасын сезінді.

Адель Құнәділова елордадағы 72 мектепте білім алады. 7 жасынан бері вокалмен айналысады, түрлі байқауларда бақ сынап үлгерген. Ол «Балалар жаңа толқыны 2021» байқауы жарылай финалының жеңімпазы. «Витебскдегі Славян базары -2021» финалисті. Онлайн өткен «Истоки-2021» халықаралық вокал байқауының 2-ші деңгейлі лауреаты атанды.

«Baqytty Bala байқауына үлкен рахмет, мені шынымен де бұл байқау бақытқа бөледі» жүзі бал-бұл жанған Адель марапатын алып тұрып.

Димаш өзінің таңдауын былай түсіндірді:

«Әдетте осындай байқауларда 2-3 фаворитті жекелейсің, бірақ бұл жолы қиынырақ болды: барлық қатысушы бір-бірінен асып түсті. Соңында мен Адельді таңдадым, және ол, қанатын жайып, менімен бірге концертте әдемі ұлттық әнді орындайды деп үміттенемін».

Димаш Құдайбергеннің жеке концертіне қатысып, онымен бірге ән салу мүмкіндігі Baqytty Bala байқауының бұған дейінгі қатысушыларына да берілген болатын. Baqytty Bala-2018  байқауындағы бұл номинация иегері ақтөбелік Нарғыз Жанұзақова әншінің Лондондағы концертіне барды, ал, 2019 жылғы Гран-при иегері Әйкерім Тілеубек Нью-Йорк төрінде миллиондаған көрермен алдында Димашпен бірге ән шырқады.