ҚАЗ RUS ENG

ҚАЗ RUS ENG

Арнайы жоба Димаш «Чорнобривці» әнін орындап, украиналықтардың жүрегіне жол тапты

Димаш «Чорнобривці» әнін орындап, украиналықтардың жүрегіне жол тапты

Арнайы жоба Димаш «Чорнобривці» әнін орындап, украиналықтардың жүрегіне жол тапты

Димаш «Чорнобривці» әнін орындап, украиналықтардың жүрегіне жол тапты

Жарқын жүздер, көпшілік хор, сүйікті әншілерімен қосыла ән шырқау, ұрандар жазылған плакаттар мен түрлі елдердің жалаулары, тіпті біреулері қуаныштан көз жасына ерік берген. Украинаның астанасы Киев қаласындағы «Arnau Tour»-дың кезекті концертінде осындай көрініс.

Димаштың музыкалық кеші басталуда, ал көрермендер назары толық сахнада, олар алғашқы әнді асыға тосып отыр. Спорт сарайында бірде-бір орын жоқ, көрермендер лық толы. Олардың біреуі осындай кешке алғаш рет куә болып отырса, біреулері сүйікті әншісінің жанды дауысын тағы бір естуге келген.

Димаш сахнаға украин ұлттық костюмін киіп шығып, залдағы көпшіліктің назарын өзіне аударды. Алдымен украин тілінде қымбатты жанкүйерлерімен амандасқан ол көп күттірмей шоуды бастап кетті.

Әнші шара барысында көпшілікке бүгін ерекше жағдайды бастан өткергенін айтты. Киевтегі концерттің ол үшін шын мәнінде маңызы жоғары, өйткені Димаштың талантын осындағы әділқазылар да, тыңдаушылар да алғашқылардың қатарында мойындаған. 2012 жылы Украинада өткен «Шығыс базары» фестивальінде Димаш әйгілі әрі сүйікті «Дайдидау» әнін баршаға алғаш рет ұсынған болатын. Дәл осы телевизиялық конкурста ол өзінің тұңғыш үлкен жүлдесін жеңіп алған еді.

Бұл концерт Димаштың «Golden» атты жаңа әніне бейнебаян түсіріліп жатқандығымен ерекшеленеді. Бұл музыкалық шоудың ең жарқын және әсерлі үзінділері мен көрермендердің көңіл-күйлерін жинайтын тікелей эфирдегі клип болады.

Аталған картина концепциясының басты идеясы – Димаштың  қымбатты жанкүйерлерімен алтындай бағалы байланысы. Қойылым кезінде Димаштың да, оның тыңдармандарының да ғарыштық үнқатысуы болашақта көпшілікке жол тартатын «Golden» әнінің атауына толық сәйкес келеді.

Димаштың украин тілінде ән шырқағаны жанкүйерлер үшін керемет тосынсый және жағымды жаңалық болғанын да айтуға тиіспіз. Әнші әйгілі украиналық музыкант Володимир Верминич жазған өте әсерлі, көпке танымал «Чорнобривці» әнін орындады, ал оның сөзін аты аңызға айналған ақын Николай Сингаевский жазған.

«Чорнобривці» әні қай кезде орындалса да украиндар арасында ерекше сезім тудырды. Сондықтан да Димаш осы туындыны жоғары деңгейде орындап, концертке қатысқан әр тыңдарманның жүрегіне жол тапты деп білеміз.

Ән аяқталған кезде көрермендер ду қол шапалақтап, ыстық ықыластарын білдірді. Димаштың бұл  композициясы барлығының көңілінен шыққаны соншалық, олар көз жастарына ерік берді.

Димаштың анасы Светлана Айтбаева бұл концерттің шынымен ерекше болғанын айтады.

«Мен де жыладым, қуаныштан, толқығаннан, әрине! Сол сәтте бүкіл зал толы көрерменнің жылап тұрғанын көрдім! «Чорнобривці» әні бүгінгі қонақтардың барлығының жүрегі мен сезіміне әсер етті. Украинаға осылай жылы қабылдап, қошемет көрсеткені үшін аналық пейіліммен алғысымды білдіремін», деді ол.

Соңғы жаңалықтар

Грэмми сыйлығының екі дүркін иегері Уолтер Афанасьефф Түркістанға келді

Әйгілі америкалық композитор әрі продюсер, екі дүркін Грэмми сыйлығының иегері Уолтер Афанасьефф Қазақстанға алғаш рет келіп, Түркістан қаласында Димаш...

Түркістан облысында Димаш Құдайбергеннің халықаралық жобасының «Voice Beyond Horizon» түсірілімі басталды

Түркістан облысында Димаш Құдайберген бас продюсерлік атқарған «Voice Beyond Horizon» халықаралық музыкалық шоудың түсірілімі басталды. Жобаға Қытай, Қазақстан, Қырғызстан,...

Аргентина радиосында Димаштың 100-ден астам әні орындалды

Аргентинадағы Radio Libertad FM 99.1 радиосының «Димаштың сәті» айдары әсерлі репертуар жинады – қазірдің өзінде қазақстандық әртістің 100-ден астам...

«Мүмкін емес миссия»: трансформация шоуында венгр әртісі Димаш образында өнер көрсетті

7 қыркүйекте Венгрияның TV2 телеарнасында әртістер танымал музыканттардың образында өнер көрсететін «Sztárban Sztár All Star» шоуы көрсетілді. Венгриялық әнші Андре...

Димаш Құдайберген қытайлық Hunan Broadcasting System компаниясымен серіктестіктегі халықаралық жобаны қолға алды

10 қыркүйекте Қазақстанда Димаш Құдайберген бас продюсер рөліндегі ауқымды музыкалық реалити-шоудың түсірілімі басталады. Жоба Hunan Broadcasting System компаниясымен бірлесіп...